Ákvörðun (ESB) 2025/1162, sem breytir ákvörðun 2005/381/EB varðandi spurningalista fyrir skýrslugjöf um beitingu tilskipunar Evrópuþingsins og ráðsins 2003/87/EB. - 32025D1162

Samkvæmt 21. gr. ETS tilskipunarinnar skulu aðildarríki skila til Framkvæmdastjórnar ESB skýrslu um beitingu tilskipunarinnar.  Í ákvörðun 2005/831/EB var í viðauka settur fram spurningalisti, sem er í raun skýrslan sem að skilað er. Þessum spurningalista er  breytt með ákvörðun 2025/1162 og honum skipt út í heild sinni.   Ástæða breytinganna: Til að innleiða breytingar á lagalega bindandi markmiðum um loftslagsmál sem sett eru fram í reglugerð Evrópuþingsins og ráðsins (ESB) 2021/1119 var framkvæmdarreglugerð framkvæmdastjórnarinnar (ESB) 2018/2066 um vöktun og skýrslugjöf breytt og inniheldur nú nýjar reglur um vöktun og skýrslugjöf vegna annarrar starfsemi sem getið er í viðauka I við ETS tilskipunina. Þar má nefna endurnýjanlega orkugjafa, lágkolefna eldsneyti,  CO2 sem er efnafræðilega og varanlega bundin í vörum sem og áhrif frá flugstarfsemi önnur en vegna CO2 (non CO2 aviation effects). Vegna samræmingar þá hafa einnig framkvæmdarreglugerð (ESB) 2018/2067 um vottun og faggildingu verið breytt sem og reglugerðir um endurgjaldslausar losunarheimildir (ESB 2023/873 og ESB 2025/772). Að lokum var gildissvið ETS kerfisins útvíkkað og tekur nú einnig til skipaflutninga og losunar frá byggingum, vegasamgöngum og öðrum geirum (ETS 2). Nauðsynlegt þykir að endurspegla í ákvörðun (ESB) 2025/1162 breytingar á ETS tilskipuninni og tengdum framkvæmdar -og framseldum gerðum. Reynsla aðildarríkjanna af notkun spurningalistans hefur einnig sýnt fram á þörf á að bæta skilvirkni hans og samræma þær upplýsingar sem birtar eru.  Til að draga úr stjórnsýslubyrgði á aðildarríki við að standa við skuldbindingar sínar samkvæmt 21. gr. ETS tilskipunarinnar er talin þörf á þeim breytingum sem settar eru fram í ákvörðun (ESB) 2025/1162, en spurningarnar sem koma fram á listanum sem settur er fram í viðauka við ákvörðunina eiga einungis að varða þau gögn sem framkvæmdastjórnin hefur ekki aðgang að, annarstaðar frá.  Ákvörðun (ESB) 2025/1162 telur aðeins tvær greinar og viðauka. : gr.  Viðauka við ákvörðun   2005/381/EB er skipt út í heild sinni.   gr.  Í henni kemur einungis fram að ákvörðuninni er beint að aðildarríkjum ESB.   Viðauki: Nýr spurningalistinn í heild sinni er settur fram í viðauka, þar hafa verið tekin útatriði sem Framkvæmdastjórn ESB getur nálgast á öðrum stöðum en í gegnum spurningalistann/skýrsluna og atriðum hefur verið bætt við sem nefnd eru hér að ofan og líta að  þróun og breytingum á ETS kerfinu.