Nýfæði, breyting á skrá sambandsins, skilgreining fituskerts repjufræsdufts - 32025R0682

Uppfærsla á skrá sambandsins yfir leyft nýfæði hvað varðar breytingar á nákvæmri skilgreiningu fituskerts repjufræsdufts úr Brassica rapa L. og Brassica napus L. í samræmi við óskir umsækjanda, Ferm Food Aps. Gildi eru rýmkuð fyrir eftirtalin atriði í eiginleikum/samsetningu; prótín, lípíð, heildarmagn kolvatna, heildarmagn trefja, raka og ösku, til að stuðla að auknu og stöðugra framboði á hráefninu auk þá hugsanlegrar vinnslu þess til notkunar í matvæli, sem og til að bregðast við breytingum á framleiðsluferlum. Breytingin er ekki talin hafa áhrif á öryggi nýfæðisins eins og það var metið af Matvælaöryggisstofnun Evrópu né heldur skekkja þá niðurstöðu stofnunarinnar sem studdi upphaflega leyfisveitingu.