Drög að framkvæmdareglugerð um samræmt snið landsáætlana um endurheimt náttúrunnar samkvæmt reglugerð (ESB) 2024/1991 - 32025R0912

Reglugerð 2024/1991 krefst þess af aðildarríkjunum að þau útbúi og skili drögum að landsáætlun um endurheimt náttúrunnar eigi síðar en 1. september 2026 og að þau tilgreini í því skyni þær endurheimtunaraðgerðir sem nauðsynlegar eru til að ná markmiðum reglugerðar 2024/1991 og uppfylla skyldur samkvæmt henni. Framkvæmdastjórnin skal, með aðstoð Umhverfisstofnunar Evrópu, setja samræmt snið fyrir þessar landsáætlanir um endurheimt.Í 1. gr. í drögum að framkvæmdareglugerðinni er vísað til þess að í viðauka við reglugerðina sé að finna samræmt sniðmát fyrir landsáætlanir um endurheimt náttúrunnar en vísað er til þessa sniðmáts í 7. mgr. 15. gr. reglugerðar nr. 2024/1991. Samkvæmt reglugerð 2024/1991 skulu aðildarríkin hvert um sig gera slíka áætlun til að ná þeim markmiðum sem sett eru fram í 4. – 13. gr. reglugerðarinnar og skal áætlunin ná til ársins 2050. Vísað er til greiningar á reglugerð 2024/1991 varðandi nánar skýringar á ákvæðum 4. – 13. gr.Viðaukanum er skipt í A, B og C- hluta. A-hluti fjallar um upplýsingar þvert á markmið, B-hluti fjallar um stefnu hvers aðildarríkis til að þess að ná markmiðum um endurheimt náttúru og uppfylla skyldur í samræmi við þau markmið sem sett eru fram  í 4. – 13. gr. reglugerðarinnar. C-hluti fjallar síðan um aðgerðir.Reglugerð (ESB) 2024/1991 hefur ekki verið innleidd í íslenskan rétt en ákvæði sem stuðla að og stefna að sambærilegri vernd og er t.d. talin upp í 4. og 5. gr. framkvæmdareglugerðarinnar eru að finna í náttúruverndarlögum nr. 60/2013. Þá er í reglugerðinni vísað í Natura 2000 svæði og bæði búsvæðatilskipunina (habitats directive) og fuglatilskipunina (birds directive). Ísland hefur ekki útnefnt Natura 2000 svæði og hefur innleitt hvoruga tilskipunina þar eð náttúruverndarlöggjöf Evrópusambandsins er ekki hluti af EES samningnum.