Reglugerð (ESB) um lista þeirra ríkja sem teljast hafa samþykkt kerfi Alþjóðaflugmálastofnunarinnar til kolefnisjöfnunar og -samdráttar fyrir losun árið 2025. - 32025R1500

Í aðfararorðum reglugerðarinnar kemur fram að Framkvæmdastjórn ESB skuli samþykkja lista (hér eftir CORSIA-listi), yfir ríki önnur en EES ríki, Sviss og Bretland, sem talin eru hafa innleitt kerfi Alþjóðaflugmálastofnunarinnar til kolefnisjöfnunar og -samdráttar (Carbon Offsetting and Reduction Scheme for International Aviation, hér eftir CORSIA) í tilgangi tilskipunar 2003/87/EB (ETS-tilskipunin), með grunnlínu sem jafngildir 85% af losun gróðurhúsalofttegunda sem áttu sér stað árið 2019 á hverju ári frá 2024. Þar sem flugferðir milli EES ríkja, Sviss og Bretlands falla undir ETS-kerfin þrjú (EU ETS, Sviss ETS og UK ETS) eru þau ríki ekki tiltekin á CORSIA-listanum. CORSIA var innleitt í ETS-tilskipunina með þeim breytingum sem á henni voru gerðar með tilskipun (ESB) 2023/958.Ríki fer á CORSIA-listann hafi það tilkynnt Alþjóðaflugmálastofnuninni (ICAO) um ætlun sína að taka þátt í CORSIA kerfinu fyrir losun frá flugi árið 2025. ICAO birtir árlega lista yfir ríki sem hafa sent þeim slíka tilkynningu og til að endurspegla þær breytingar sem orðið hafa á þeim lista skal Framkvæmdastjórn ESB samþykkja CORSIA-listann.Tvö þeirra ríkja sem eru talin vera hluti af CORSIA kerfinu eru San Marino og Monaco en þau eru ekki á CORSIA-listanum þar sem engir flugvellir eru í þeim löndum og þar með falla engin flug til eða frá þeim ríkjum undir CORSIA kerfið.Reglugerðin tók gildi 20 dögum eftir birtingu hennar, í ágúst 2025.CORSIA-listinn er í viðauka og á honum eru 96 ríki. Á þeim lista sem gilti árið 2024 voru 93 ríki og hefur þeim því fjölgað milli ára.