Reglugerð um endurheimt náttúrunnar – Aðferð til að vakta fjölbreytni frjóbera og þeirra stofna (framseld reglugerð). - 32025R2188

Reglugerð (ESB) 2025/2188 krefst þess af aðildarríkjunum að þau bæti fjölbreytni frjóbera og snúi við hnignun frjóberastofna eigi síðar en árið 2030 og að eftir það sjái til þess að það náist vaxandi þróun frjóberastofna. Þróunin skal mæld að minnsta kosti á sex ára fresti frá árinu 2030, þar til fullnægjandi viðmiðum er náð.Framkvæmdastjórnin skal koma á vísindalegri aðferð til vöktunar á fjölbreytni frjóbera og frjóberastofnum sem veitir staðlaða nálgun við söfnun árlegra gagna um umfang og fjölbreytni frjóberategunda í vistkerfum og við mat á þróun frjóberastofna og árangri endurheimtunaraðgerða. Samkvæmt reglugerð (ESB) 2024/1991 um endurheimt náttúrunnar skulu aðildarríkin árlega vakta umfang og fjölbreytni frjóberategunda með því að notfæra sér vöktunaraðferðina og skulu þau tilkynna niðurstöður til framkvæmdastjórnarinnar.Aðildarríkin skulu skv. 2. gr. reglugerðarinnar safna gögnum um umfang og fjölbreytni býflugna, sveifflugna, fiðrilda og mölflugna. Í 3. - 8. gr. reglugerðarinnar er að finna nákvæm fyrirmæli um hvar og hvernig vöktunin skuli fara fram og hvað skuli skrá við vöktunina. Í 9. og 10. gr. er síðan fjallað um hvernig meta skuli gögnin sem aðildarríkin hafa safnað og hvernig meta eigi skilvirkni endurheimtunaraðgerða í samræmi við 3. mgr. 10. gr. reglugerðar (ESB) 2024/1991. Reglugerðin hefur ekki verið innleidd í íslenskan rétt en ákvæði sem stuðla að og stefna að vernd líffræðilegrar fjölbreytni eru  að finna í náttúruverndarlögum nr. 60/2013. Ekki hefur verið lögfest aðferð til vöktunar á fjölbreytni frjóbera. Verði reglugerðin tekin upp í íslenskan rétt yrði að m.a. að ákveða lágmarksfjölda vöktunarstaða á Íslandi í samræmi við viðauka 1 við reglugerðina sem hér um ræðir.