Útdráttur
Tilskipun/ákvörðun framkvæmdastjórnarinnar með framseldri tilskipun 2026/5051 breytir viðauka V við tilskipun 2005/36/EB um viðurkenningu á menntun og hæfi.Viðaukinn hefur að geyma lista yfir formlegar prófgráður lækna, hjúkrunarfræðinga, tannlækna, dýralækna, ljósmæðra, lyfjafræðinga og arkitekta.Framkvæmdastjórn ESB er heimilt skv. 4. mgr. 21. gr. a í tilskipun 2005/36/EB að samþykkja framseldar gerðir til breytingar á viðeigandi liðum í viðauka V að því er varðar uppfærslu á heitum sem ESB-ríkin hafa samþykkt fyrir gögn um formlega menntun og hæfi ásamt heiti stofnunar sem gefur gögnin út.Með þessari framseldu ákvörðun sem hér um ræðir er því tekin saman eldri, ný og breytt heiti sem tilkynnt og framkvæmdastjórnin hafði metið og samþykkt.Eftirfarandi breytingar eru gerðar með framseldri ákvörðuninni/tilskipun 2026/5051:Að því er varðar starf sérfræðilæknis á Ítalíu samkvæmt lið 5.1.3 í V. viðauka, „lífefnafræði“, var námsleiðin Biochimica (9) felld brott. Að því er varðar starf tannlæknis í Litháen samkvæmt lið 5.3.2 í V. viðauka var gagninu um formlega menntun og hæfi „Magistro diplomas (sveikatos mokslų magistro laipsnis ir gydytojo odontologo profesinė kvalifikacija)“ bætt við í 3. lið og „Magistro diplomas (sveikatos mokslų magistro laipsnis ir gydytojo odontologo kvalifikacija)“ bætt við í 4. lið.Ísland hefur ekki birt breyttan viðauka V í hvert sinn sem gerð er breyting á honum, heldur hafa breytingar verið teknar inn í EES-samninginn með ákvörðun sameiginlegu EES-nefndarinnar hverju sinni. Samkvæmt 2. gr. laga um viðurkenningu á faglegri menntun og hæfi, nr. 26/2010 kemur fram að við afgreiðslu umsókna um viðurkenningu skuli miðað við að vitnisburðir um formlega menntun og hæfi uppfylli skilyrði tilskipunar Evrópuþingsins og ráðsins 2005/36/EB um viðurkenningu á faglegri menntun og hæfi, sem og viðauka við hana eins og þeir eru á hverjum tíma. Íslenskur og norskur texti framseldrar ákvarðana hefur talist fullgiltur þegar hann er birtur í EES-deild Stjórnartíðinda Evrópusambandsins og EES-viðbæti við þau. Hingað til hafa átta framseldar ákvarðanir verið samþykktar á grundvelli 4. mgr. 21. gr. a. um þetta. Þessi tilskipun er ein þeirra. Hinar eru: Framseld ákvörðun framkvæmdastjórnarinnar (ESB) 2016/790 frá 13. janúar 2016 (Stjtíð. ESB L 134, 24.5.2016, bls. 135), framseld ákvörðun framkvæmdastjórnarinnar (ESB) 2017/2113 frá 11. september 2017 (Stjtíð. ESB L 317, 1.12.2017, bls. 119), framseld ákvörðun framkvæmdastjórnarinnar (ESB) 2019/608 frá 16. janúar 2019 (Stjtíð. ESB L 104, 15.4.2019, bls. 1), framseld ákvörðun framkvæmdastjórnarinnar (ESB) 2020/548 frá 23. janúar 2020 (Stjtíð. ESB L 131/1, 24.4.2020, bls. 1), framseld ákvörðun framkvæmdastjórnarinnar (ESB) 2021/2183 frá 25. ágúst 2021 (Stjtíð. ESB L 444, 10.12.2021, bls. 16), framseld ákvörðun framkvæmdastjórnarinnar (ESB) 2023/2383 frá 23. maí 2023 (Stjtíð. ESB L 2023/2383, 9.10.2023), framseld ákvörðun framkvæmdastjórnarinnar (ESB) 2024/1395 frá 5. mars 2024 (Stjtíð. ESB L 2024/1395, 31.5.2024), framseld ákvörðun framkvæmdastjórnarinnar (ESB) 2025/2187 frá 30. júlí 2025 (Stjtíð. ESB L 2025/2187, 29.10.2025).Engin stjórnskipuleg skilyrði eru fyrir hendi, þ.e. ekki er þörf á aðlögun með því að setja lög eða stjórnvaldsfyrirmæli vegna innleiðingarinnar.