32026R0286

Í b-lið 7. liðar í IV. viðauka við reglugerð (ESB) 2024/573 er lagt bann við markaðssetningu kyrrstæðs kælibúnaðar sem inniheldur flúoraðar gróðurhúsalofttegundir með hnatthlýnunarmátt upp á 150 eða meira, og hefur kæligetu allt að12 kW, frá og með 1. janúar 2027, nema að ákveðnum skilyrðum uppfylltum. Þá er í c-lið sama ákvæðis lagt bann við markaðssetningu kyrrstæðs kælibúnaðar sem inniheldur flúoraðar gróðurhúsalofttegundir með hnatthlýnunarmátt upp á 750 eða meira og hefur kæligetu allt að 12 kW, frá og með 1. janúar 2027, nema að ákveðnum skilyrðum uppfylltum. Í samræmi við 5. mgr. 11. gr. reglugerðar (ESB) 2024/573 lagði þýska lögbæra yfirvaldið fram beiðni til framkvæmdastjórnarinnar um leyfi fyrir undanþágu sem heimilar markaðssetningu innan Sambandsins á tveimur tegundum kælibúnaðar. Kyrrstæður kælibúnaður sem inniheldur eða virkar á grundvelli flúoraðra gróðurhúsalofttegunda með hnatthlýnunarmætti upp á 150 eða meira, með kæligetu allt að 12 kW sem notaðar eru til að styðja við framleiðslu hálfleiðara. Kyrrstæður kælibúnaður sem inniheldur eða virkar á flúoruðum gróðurhúsalofttegundum með hnatthlýnunarmætti upp á 750 eða meira, með kæligetu yfir 12 kW við hitastig undir –50°C, sem notaðar eru til að styðja við framleiðslu hálfleiðara. Framkvæmdarstjórnin telur að beiðnin uppfylli skilyrði sem sett eru fram í a- og b-lið 5. mgr. 11. gr. og heimilar því eftirfarandi undantekningar frá 1. janúar 2027 til 31. desember 2029 (3 ár) ef þau eru merkt samkvæmt 2. mgr. 12. gr. sömu reglugerðar. Reglugerðin var birt þann 10. febrúar 2026 en gildir frá 1. janúar 2027.