Uppfærsla viðmiða Evrópublómsins með tilliti til uppfærslu á orkumerkingum ESB. - 32023D0705

Vottun samkvæmt viðmiðum umhverfismerkis ESB, Evrópublómsins, fer fram í samræmi við reglugerð Evrópuþingsins og ráðsins nr. 66/2010. Reglugerðin er innleidd á Íslandi í gegnum reglugerð 160/2017 um umhverfismerki. Viðmið fyrir einstaka þjónustu- og vöruflokka eru sett fram í reglugerðum fyrir hvern vöruflokk. Í þessari ákvörðun framkvæmdastjórnarinnar er verið að uppfæra viðmið Evrópublómsins fyrir gistiaðstöðu í ferðaþjónustu (2017/175) og fyrir hreingerningaþjónustu innanhúss (2018/680) til þess að kröfur sem þar eru settar varðandi orkumerkingar og orkunýtingu tækja séu í samræmi við uppfærðan ramma Evrópuþingsins um orkumerkingar.Árið 2019 var gerð uppfærsla á ramma ESB um orkumerkingar og þessi uppfærsla á viðmiðum Evrópublómsins snýr að því að tryggja að raftæki sem fjallað er um í þessum tveimur viðmiðum uppfylli sannarlega það markmið að vera innan 10-20% raftækja sem eru best á markaðnum m.t.t. orkusparnaðar.  Með innleiðingu ákvörðunarinnar er því verið að uppfæra tilvísanir í viðmiðum Evrópublómsins sem snúa að orkuflokkun (A – G) einstaka raf- og rafeindatækja til þess að tryggja að vottuð þjónusta sé að kaupa raftæki með góða orkunýtni.