Ákvörðun framkvæmdastjórnarinnar (ESB) 2024/1797 frá 27. júní 2024 um breytingu á ákvörðun (ESB) 2023/2440 að því er varðar aðlögun á magni losunarheimilda og flutning losunarheimilda í Nýsköpunarsjóð. - 32024D1797

Reglugerðin fjallar um aðlögun á útreikningum á magni endurgjaldslausra losunarheimilda sem úthluta skal til flugrekenda sem falla undir gildissvið tilskipunar 2003/87/EB sem setur á fót viðskiptakerfi Evrópusambandsins með losunarheimildir sem og magn endurgjaldslausra losunarheimilda sem renna skal í Nýsköpunarsjóð. Einnig koma fram útreikningar á endurgjaldslausum losunarheimildum sem hefði átt að vera úthlutað skv. þeim reglum um endurgjaldslausar losunarheimildir sem voru í gildi fyrir breytingar sem innleiddar voru með tilskipun (ESB) 2023/958 en það magn er þó lægra en það sem verður úthlutað skv. nýju reglunum.  Aðferðarfræði við útreikninga á heildarmagni losunarheimilda sem úthluta skal til flugrekenda fyrir árið 2024 vegna flugs innan Evrópska Efnahagssvæðisins og flugs frá Sviss og Bretlandseyjum eru settar fram í 3. gr. c tilskipunar ESB 2003/87/EB um viðskipti með losunarheimildir. Um ræðir 1.386.051.745 heimildir sem settar voru fram í ákvörðun framkvæmdastjórnarinnar (ESB) 2023/1575.  Magn losunarheimilda sem birt var í ákvörðun framkvæmdastjórnarinnar (ESB) 2023/2440 þarf að uppfæra, en flugstarfsemi sem er undanskilin frá gildisviði ETS kerfisins skv. tilskipun 2003/87/EB árið 2023 skal ekki vera tekin með í útreikningana. Gögn vegna losunar frá flugi árið 2023 lá fyrir 31. mars 2024 og þar með einnig frá flugrekendum undanskildum kerfinu. Þegar þetta er tekið með í reikninginn er heildarmagn þeirra losunarheimilda sem úthlutaðar eru til flugrekenda sem stunduðu flugstarfsemi sem getið er í viðauka I við ETS tilskipunina á árinu 2023 samtals 28.893.775 heimildir.  Krafist er í 8. mgr. 10. Gr. a tilskipunar 87/2003/EB að losunarheimildir sem ekki voru úthlutaðar til flugrekenda sem hættu starfsemi og ekki þyrfti að standa straum af vanskilum í uppgjöri af hálfu þessara flugrekenda skulu notaðar fyrir nýsköpunarstuðning í gegnum Nýsköpunarsjóð sem stutt getur við rafvæðingu flugs og aðrar aðgerðir til að draga úr loftslagsáhrifum. Að teknu tilliti til ofangreinds nemur þetta þá 1.998.951 losunarheimildum.  Að lokum er tekið inn í reikninginn línulegur lækkunarstuðull sem er 4,3% fyrir árin 2024-2027 (4,4% eftir 2028) en beiting línulega lækkunarstuðulsins gefur 27.563.529 heimildir sem úthluta skal árið 2024 eða lækkun um 1.330.226 árlega á tímabilinu 2024-2026.  Reglugerðin birtir einnig upphæð endurgjaldslausra losunarheimilda sem hefði átt sér stað árið 2024 skv. reglum um endurgjaldslausar losunarheimildir sem voru í gildi fyrir breytingarnar sem komu inn með tilskipun (ESB) 2023/958 en sú upphæð er 85% af heildarmagni heimilda eða 23.429.000.