Útdráttur
Reglugerðin breytir reglugerð Evrópuþingsins og ráðsins (EB) nr. 1223/2009 um snyrtivörur. Breytingar fela í sér að uppfæra skrá í III. viðauka yfir efni sem eru háð takmörkunum varðandi notkun sem innihaldsefni í snyrtivörum á þann hátt að færslum er bætt við skrána og uppfæra skrá í V. viðauka yfir leyfileg rotvarnarefni á þann hátt að tveim færslum var skipt út til að herða skilyrði um notkun fyrir börn og bæta við varnaðarorðum. Einnig er einu efni eytt úr skrá í VI. viðauka yfir leyfilegar útblámasíur (UV-síur) og sama efni er bætt við skrá í II. viðauka yfir efni sem eru ekki leyfileg innihaldsefni í snyrtivörum.
Nánari efnisumfjöllun
Reglugerðin breytir reglugerð Evrópuþingsins og ráðsins (EB) nr. 1223/2009 um snyrtivörur.Breytingarnar fela í sér að :1. Efni sem þekkt eru sem A-vítamín, nánar tiltekið Retinól (CAS nr. 11103-7-4/68-26-8), Retinýl Asetat (CAS nr. 127-47-9) og Retinýl Palmíat (CAS nr. 79-81-2) er bætt við í III. viðauka yfir efni sem eru háð takmörkunum og hámarksstyrkur þeirra takmarkaður við 0,05 % jafngildi retínóls (Reotinol equivalent (RE)) í húðkremi, 0,03 % RE í öðrum vörum. Einnig er skylt að merkja snyrtivörur sem innihalda Retinól, Retinýl Asetat, Retinýl Palmíat með eftirfarandi varnaðarorðum „ Inniheldur A vítamín. Íhugaðu daglega neyslu þína fyrir notkun.“ (Contains Vitamin A. Consider your daily intake before use).2. Efnin Alfa-arbútín (4-Hýdroxýfenýl-alfa-D-glúkópýranósíð,CAS nr. 84380-01-8) og Arbútín (4-Hýdroxýfenýl-beta-D-glúkópýranósíð, CAS nr. 497-76-7), sem notuð eru í snyrtivörum meðal annars til húðhvítunar er bætt við í III. viðauka yfir efni sem er háð takmörkunum þar sem hámarksstyrkur Alfa-arbútíns er takmarkaður við 2% í andlitskremum og 0,5% í húðkremum og hámarksstyrkur Arbútíns takmarkaður við 7% í andlitskremum. Einnig er tekið fram að Hýdrókínón styrk skuli haldið í lágmarki í efnablöndum sem innihalda Alfa-arbútín og Arbútín, ekki hærri en óhjákvæmileg snefilefni. Einnig er efnunum Genistein (CAS nr. 446-72-0), Daidzein (CAS nr. 486-66-8) og Kojic acid (CAS nr. 501-30-4) bætt við í III. viðauka yfir efni sem eru háð takmörkunum þar sem hámarksstyrkur Genistein er takmarkaður við 0,07% í snyrtivörum og hámarksstyrkur Daidzein er takmarkaður við 0,02% í snyrtivörum. Hámarksstyrkur Kojic acid sem er m.a notað til húðhvítunar er takmarkaður við 1% í snyrtivörum fyrir andlit og hendur.3. Efnið 4´-metýlbenzýlíden-kamfóra (CAS 36861-47-9/38102-62-4) hefur áhrif á starfsemi skjaldkirtils og estrógens og er fjarlægt úr skrá í VI. viðauka yfir leyfilegar útblámasíur (UV-síur). Einnig er 4´-metýlbenzýlíden-kamfóru bætt við skrá í II. viðauka yfir efni sem eru ekki leyfileg sem innihaldsefni í snyrtivörum.4. Skipt er út færslu 23 (Tríklókarban (1-(4-Klórfenýl)-3-(3,4-díklórófenýl)úrea, CAS nr. 101-20-2)) og færslu 25, Tríklósan (5-klór-2-(2,4-díklórófenoxý)fenól, CAS nr. 3380-34-5) í skrá yfir leyfileg rotvarnarefni í V. viðauka og bætast við skilyrði um notkun og varnaðarorð sem skylt er að bæta á merkingar vara sem innihalda efnin Tríklókarban og Tríklósan. Hámarksstyrkur Tríklókarban er takmarkaður við 0,2% í snyrtivörum, og notkun efnisins verður ekki leyfileg í munnskoli. Einnig verður notkun ekki leyfileg í tannkremi sem er ætluð börnum yngri en 6 ára. Skylt verður því að merkja tannkrem sem innihalda tríklókarban með eftirfarandi: „ Má ekki nota fyrir börn yngri en 6 ára“. Tríklósan verður ekki leyft í munnskoli né tannkremi sem ætlað er börnum yngri en 3 ára. Skylt verður því að merkja tannkrem sem innihalda tríklósan: „Má ekki nota fyrir börn yngri en 3 ára“.Reglugerðin tekur gildi á 20. degi eftir birtingu hennar í Stjórnartíðindum Evrópusambandsins og á fyrsta degi mánaðar, 12 mánuðum eftir að reglugerðin tekur gildi, lýkur aðlögunartíma og það tekur gildi að 4´-metýlbenzýlíden-kamfóra er ekki lengur á skrá yfir leyfilegar útblámasíur í snyrtivörum.
