52025PC0983 – Tilskipun COM(2025) 983 um afnám kröfu um fulltrúa framleiðenda raf- og rafeindatækja og einnota plastvara. - COM(2025) 983

Í Samkeppnisvísi Evrópusambandsins (e. Competitiveness Compass for the EU) eru lögð drög að því markmiði að draga úr stjórnsýslukostnaði fyrirtækja um 25-35%. Svipuð sjónarmið koma fram í skýrslu Mario Draghi um framtíð samkeppnishæfni Evrópu. Tillagan er hluti af bandormi (e. omnibus) sem miðar að þessu markmiði.Framleiðandi sem setur ákveðnar vörur á markað ber ábyrgð á vörunni út líftíma hennar, svokallaða framlengda framleiðendaábyrgð. Framleiðandi sem setur vöru á markaði í öðru ríki en því sem hann er í, þarf að skipa fulltrúa sinn í viðkomandi ríki og er það hlutverk fulltrúans að fara með framlengda framleiðendaábyrgð fyrir hönd framleiðandans. Í reynd hefur þótt of flókin tilhögun að skipa þurfi fulltrúa framleiðanda í hverju ríki sem vara hans er markaðssett í. Markmið tilskipunarinnar er að gera það valkvætt fyrir framleiðendur textílvara, skóbúnaðar og skyldra vara, raf- og rafeindatækja, einnota plastvara og veiðarfæra sem innihalda plast á EES-svæðinu hvort þeir skipi fulltrúa sinn í öðrum EES-ríkjum eða ekki. Óljóst er hvaða skyldur munu gilda um framleiðendur utan EES-svæðisins, nema fyrir textílvörur.Tilskipunin er fjórar greinar. Sú fyrsta fjallar um tímabundinni niðurfellingu eða frestun á gildistöku ákvæða sem skylda framleiðendur til að tilnefna fulltrúa sinn sem fer með framlengda framleiðendaábyrgð í þeim aðildarríkjum sem framleiðendur markaðssetja vörur sínar. Hinar greinarnar fjalla um hvernig umrita skuli tilskipunina og gildistöku hennar.Grein 1 skiptist í þrjá stafliði:a) Kveðið er á um frestun á skyldu framleiðenda textíls sem setur textílvöru á markað í öðru aðildarríki til að skipa fulltrúa sinn til 1. janúar 2035. Aðildarríkjum er áfram valfrjálst að skylda framleiðendur frá þriðju ríkjum sem setja textílvöru á markað í aðildarríkinu til skipa fulltrúa sinn.b) Kveðið er á um niðurfellingu á skyldu framleiðenda raf- og rafeindatækja til að tilnefna fulltrúa sinn til 1. janúar 2035. c) Kveðið er á um niðurfellingu á skyldu framleiðenda ýmissa einnota plastvara og veiðarfæra sem innihalda plast til að tilnefna fulltrúa sinn til 1. janúar 2035.