32023R2713

Í samræmi við 1. mgr. 100. gr. reglugerðar (ESB) 2017/746 auglýsti framkvæmdastjórnin í júlí 2022 eftir umsóknum um tilvísunarrannsóknarstofur ESB í átta tilnefningarflokkum, sbr. 1. mgr. 1. gr. framkvæmdarreglugerðar framkvæmdastjórnarinnar (ESB) 2022/944 Tilnefningar sem aðildarríkin lögðu fram voru þær metnar af valnefnd sem stofnuð var af þjónustudeildum framkvæmdastjórnarinnar. Valnefndin tók mið af viðmiðum um tilvísunarrannsóknarstofur ESB sem sett eru í 4. mgr. 100. gr. reglugerðar (ESB) 2017/746 sem og 1.-9. gr. framkvæmdarreglugerðar (ESB) 2022/944.  Í 5. mgr. 100. gr. reglugerðar (ESB) 2017/746 er kveðið á um að tilvísunarrannsóknarstofur ESB skuli mynda netkerfi til að samræma og samhæfa starfsaðferðir sínar að því er varðar prófun og mat sem er nauðsynlegt til að sinna verkefnunum sem sett eru fram í 2. mgr. 100. gr. þeirrar reglugerðar. Enn fremur þurfa framleiðendur og tilkynntir aðilar að aðlaga gildandi ferli sín við samræmismat á tækjum vegna tilnefningar tilvísunarrannsóknarstofa ESB og aðkomu þeirra að samræmismati. Fresta ætti beitingu tilnefninga tilvísunarrannsóknarstofa ESB vegna þeirra verkefna sem um getur í 2. mgr. 100. gr. reglugerðar (ESB) 2017/746 til síðari dagsetningar til að gefa nýlega tilnefndum tilvísunarrannsóknarstofum ESB nægjanlegan tíma til að mynda netkerfi og samræma og samhæfa starfsaðferðir sínar og gera framleiðendum og tilkynntum aðilum kleift að aðlaga ferli sín.Til að tryggja réttaröryggi og fyrirsjáanleika samræmismatsaðferða ættu nýlega tilnefndar tilvísunarrannsóknarstofur ESB einungis að sinna verkefninu sem sett er fram í a-lið 2. mgr. 100. gr. reglugerðar (ESB) 2017/746 að því er varðar tæki sem formleg umsókn um samræmismat fyrir er lögð fram eftir að tilnefning tilvísunarrannsóknarstofa ESB tekur gildi að því er varðar verkefnin sem sett eru fram í 2. mgr. 100. gr. þeirrar reglugerðar.Framkvæmdareglugerðin tilgreinir, í viðauka, þær tilnefndu tilvísunarrannsóknarstofur ESB fyrir þau tilteknu tæki eða undirflokk eða flokk tækja eða tilteknar hættur sem tengjast undirflokki eða flokki tækja eins og tilgreint er í þeim viðauka.