32022R1012

Markmið sem að er stefnt: Markmiðið er að tryggja að ökumenn í vegaflutningum geti hvílst áhyggjulausir og þreytist því ekki vegna þess að þeir óttast um öryggi sitt eða þess farms sem þeir bera ábyrgð á, e. accumulate fatigue. Það ætti að stuðla að bættu umferðaröryggi og draga úr hættu á slysum sem verða vegna þreytu. Verið er að samræma staðla og verklagsreglur Sambandsins sem örugg og áreiðanleg bílastæði, e. safe and secure parking areas, þurfa að uppfylla til þess að tilgreina megi þau sem vottuð. Slík bílastæðasvæði eru af skornum skammti í Sambandinu og öryggi og þjónusta sem þar er veitt oft ófullnægjandi og ósamræmd. Því er nauðsynlegt að samþykkja staðla um hvernig þjónusta og öryggi á að vera á þessum svæðum auk verklagsreglna um vottun þeirra.Aðdragandi: Í samræmi við 8. gr. reglugerðar 561/2006/EB eiga ökumenn í vegflutningum að hvíla sig í ákveðinn tíma bæði daglega og vikulega. Í sumum tilfellum þurfa ökumenn að hvíla sig á vegum úti. Þetta á sérstaklega við í þeim tilvikum þar sem ökumenn aka langar vegalengdir við að flytja vörur eða farþega á milli landa. Það er því mjög mikilvægt að ökumenn hafi aðgang að bílastæðum þar sem þeir geta verið öruggir, með viðeigandi aðstöðu auk þess að geta fengið þá þjónustu sem þeir þurfa.Í 1. mgr. 8a gr. reglugerðarinnar er listi yfir kröfur sem bílastæði fyrir ökumenn sem stunda vöru- og farþegaflutninga á vegum þurfa að uppfylla til að vera vottuð sem örugg og áreiðanleg bílastæðasvæði. Kröfurnar eru til þjónustu og öryggis.Skortur er á öruggum og áreiðanlegum bílastæðasvæðum í Sambandinu auk þess sem farmglæpum, e. cargo crimes, hefur fjölgað. Því er hvatt  til þróunar á slíkum bílastæðum í Sambandinu og tryggja þannig að ökumenn í vegflutningum hafi aðgang að þeim hvar sem þeir stoppa á vegum Sambandsins.Til að flýta fyrir og auka uppbyggingu á öruggum og áreiðanlegum bílastæðum er nauðsynlegt að þróa sameiginlegan ramma á vettvangi Sambandsins. þannig má tryggja að geirinn hafi aðgang að skýrum og samræmdum upplýsingum um örugg og áreiðanleg bílastæði hvar sem er innan Sambandsins.Í því skyni að bæta vinnuaðstæður bílstjóra skv. reglugerð 561/2006/EB, ætti að samræma lágmarks þjónustu á öllum öruggum og áreiðanlegum bílastæðasvæðum.Til að tryggja gagnsæi og vissu fyrir notendur bílastæðanna ættu þau að vera vottuð af óháðum vottunaraðila. Einnig ætti að tryggja að fullnægjandi verklagsreglum sé beitt þegar í ljós kemur að örugg og áreiðanleg bílastæði uppfylla ekki lengur þá staðla sem um þau gilda.Leiðir til að kvarta ættu að vera aðgengilegar. Vottunaraðilar ættu að geta gefið út endurskoðunarvottorð til þeirra sem reka stæðin. Þeim upplýsingum ætti að miðla til framkvæmdastjórnarinnar. Með þeim hætti lægi fyrir listi yfir örugg og áreiðanleg bílastæðasvæði yrði uppfærður.Til þess að taka tillit til þess hve stafrænni tækni fleytir fram í þeim tilgangi að bæta stöðugt vinnuskilyrði ökumanna ætti framkvæmdastjórnin að meta mikilvægi þess að endurskoða samræmda staðla og vottunarferli eigi síðar en fjórum árum eftir samþykkt þessara aðgerðar. Efnisútdráttur:  Í 1. gr. er kveðið á um hvaða skilyrði örugg og áreiðanleg bílastæðasvæði þurfa að uppfylla til að hljóta vottun skv. grein 8a reglugerðar 561/2006/EB. Í a-lið er vísað til þess að þau þurfi að uppfylla alla staðla um lágmarksþjónustustig sem settir eru fram í A-hluta viðauka I við reglugerðina. Í b-lið kemur fram að þau þurfi að uppfylla alla staðla um að minnsta kosti eitt öryggisstigunum sem sett eru fram í B-hluta í viðauka I.Í 2. gr. kemur fram að vottun öruggra og áreiðanlegra bílastæðasvæða sem kveðið er á um grein 8a í reglugerðinni skuli vera í samræmi við staðla og verklagsreglur sem settar eru fram í viðauka II.Í 3. gr. er endurskoðunarákvæði. Þar kemur fram að eigi síðar en 7. apríl 2026 skuli framkvæmdastjórnin meta hvort staðlar og verklagsreglur um vottun sem kveðið er á um í viðauka I og II þurfi uppfærslu í samræmi við örar tækniþróanir og í því skyni að bæta stöðugt vinnuskilyrði ökumanna.Í viðauka I eru töflur yfir staðla Sambandsins yfir þjónustu- og öryggisstig fyrir örugg og áreiðanleg bílastæðasvæði. Í viðauka II eru nánari útskýringar á verklagsreglum og stöðlum sem gilda um vottun stæða.Umsögn: helstu breytingar,  mati á umfangi, og áhrif hér á landi: Um er að ræða samræmd skilyrði sem örugg og áreiðanleg bílastæði þurfa að uppfylla til þess að fá vottun sem slík. Framkvæmdastjórnin birtir skrá yfir öll bílastæðasvæði sem hafa verið vottuð.Örugg og áreiðanleg bílastæði hafa ekki verið byggð upp við þjóðvegi Íslands. Þá er ekki talin þörf á að hið opinbera byggi upp bílastæði sem þessi þar sem söluaðilar þjónustu við þjóðvegi hafa hingað til mætt slíkri þörf. Verði bílastæði sem þessi hins vegar byggð upp á þjóðvegum er ljóst að taka þyrfti mið af reglugerð þessari .Lagastoð fyrir innleiðingu gerðar: Lagastoð er að finna í 2. mgr. 54. gr. umferðarlaga nr. 77/2019.Innleitt í reglugerð um aksturs- og hvíldartíma ökumanna, notkun ökurita og eftirlit nr. 605/2010Mat eða tilgreining á kostnaði hins opinbera, sveitarfélaga og atvinnulífs og ALMENNINGS, ef einhver er: Kostnaður enginn. Á því yrði hins vegar breyting ef ákveðið yrði að fara í uppbyggingu öruggra og áreiðanlegra bílastæða.Skörun við starfssvið annarra ráðuneyta: NeiTilgreining á hagsmunaaðilum: Flutningaaðilar með starfsleyfi skv. lögum 28/2017, landeigendur sem kynnu að vilja byggja upp örugg og vernduð bílastæði, Vegagerðin og vottunaraðilar.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei