Útdráttur
Markmiðið með reglugerðinni er að þær upplýsingar sem aflað er um losun ýmissa meðalþungra og þungra ökutækja veiti betri vitneskju um hver losunin er í raun og veru. Því eru gerðar breytingar á reglugerð 2017/2400 í þá veru að gera kröfur um að niðurstöður sem hafa fengist með hermitóli séu sannreyndar með prófi á vegum úti. Því til viðbótar er verið að gera leiðréttingar og breytingar gera reglugerð 2017/2400 skýrari. Lítil áhrif og eingöngu óbein. Kostnaður óverulegur.
Nánari efnisumfjöllun
Markmið sem að er stefnt: Markmiðið með reglugerðinni er að þær upplýsingar sem aflað er um losun ýmissa meðalþungra og þungra ökutækja veiti betri vitneskju um hver losunin er í raun og veru.Aðdragandi og efni: Með reglugerð (ESB) 2017/2400 var mælt fyrir um sameiginlega aðferð til að reikna út og bera saman losun þungra ökutækja sem sett eru á markað innan Sambandsins. Tekin voru upp svokölluð hermitól sem nota á til að ákvarða og gefa upp losunina. Hermitólið er einnig notað til að leggja skyldur á herðar yfirvalda í aðildarríkjum þar sem framleiðendur eru. Auk þungra vöruflutningabifreiða ná ákvæði reglugerðar 2017/2400 til meðalstórra vöruflutningabifreiða og þungra strætisvagna.Í reglugerðinni er jafnframt kveðið á um vottun íhluta sem hafa áhrif á losun.Til þess að ná á viðeigandi hátt yfir losun frá bifreiðum sem búin eru tækni sem enn er tiltölulega ný var nauðsynlegt að gera viðbótarkröfur til bifreiða sem þannig eru gerðar. Hér er verið að taka á tækni eins og er í tvinn-bifreiðum, hreinum rafökutækjum, tvíbrenni-ökutækjum, e. dual-fuel vehicle, glatvarmaendurvinnslu-kerfum og háþróuðum hjálparkerfi fyrir ökumenn.Sannprófun á vegum hefur reynst mikilvægt tæki til að sannreyna útreikninga á koltvísýringslosun og eldsneytisnotkun. Því er rétt að gera kröfur um slíka prófun fyrir meðalstóra vöruflutningabíla og bifreiðar búnar nýrri tækni. Það er gert í þeirri reglugerð sem nú er til umfjöllunar, þ.e. 2022/1379. Undantekning er hins vegar gerð fyrir þunga strætisvagna. Þá er ekki hægt að prófa á sama hátt vegna þess hversu flókið fjölþrepa framleiðslu- og viðurkenningarkerfi gildir fyrir þá.Auk ofangreindrar breytinga er með reglugerð 2022/1379 verið að gera ýmsar skilgreiningar og kröfur í reglugerð (ESB) 2017/2400 skýrari. Þar á meðal er frekari aðlögun að stöðlum um koltvísýringslosun fyrir ný ökutæki sem mælt er fyrir um í reglugerð (ESB) 2019/1242.Umsögn: helstu breytingar, mati á umfangi, og áhrif hér á landi: Engir framleiðendur ökutækja eru á Íslandi eins og er og hefur reglugerðin því lítil sem engin áhrif hér á landi eins og stendur.Lagastoð fyrir innleiðingu gerðar: Lagastoðin er a-lið 4. mgr. 69. gr. gr. umferðalaga nr. 77/2019. Rétt væri að reglugerðin yrði innleidd með breytingu á reglugerð nr. 822/2004 um gerð og búnað ökutækja.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn.Skörun við starfssvið annarra ráðuneyta: Tengsl við umhverfis-, orku- og loftslagsráðuneytið en ekki bein skörun.Tilgreining á hagsmunaaðilum: Nei.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.