Útdráttur
Ákvörðunin fjallar um gjaldtöku vegna notkunar á vegamannvirkjum. Gjaldtakan á að vera breytileg í samræmi við losun gróðurhúsalofttegunda frá ökutækjunum. Með ákvörðuninni er viðmiðunarlosun koltvísýrings tilgreind fyrir þung ökutæki, svo sem tilteknar tegundir vörubíla. Ekki kostnaður fyrir hið opinbera. Líklega kostnaður fyrir eigendur ökutækja.
Nánari efnisumfjöllun
Markmið sem að er stefnt: Markmið með ákvörðuninni er að gera forsendur fyrir gjaldtöku fyrir notkun á vegamannvirkjum skýrari.Efnisútdráttur: Ákvörðunin er um gjaldtöku vegna notkunar á vegamannvirkjum. Gjaldtakan á að vera breytileg í samræmi við losun gróðurhúsalofttegunda frá þeim. Með ákvörðuninni er viðmiðunarlosun koltvísýrings tilgreind fyrir þung ökutæki svo sem tilteknar tegundir vörubíla.Í tilskipun (EB) 1999/62 er aðildarríkjum falið að byggja gjöld fyrir notkun þungra ökutækja á losun koltvísýrings. Í b-lið 38. tölul. 1. mgr. 2. gr. tilskipunarinnar er útskýrt hvernig eigi að reikna gjöldin. Útreikningur gjalda fyrir þung ökutæki er með öðrum hætti en fyrir ýmsa aðra flokka ökutækja. Þau ökutæki eru síðan tilgreind í 4. gr. reglugerðar framkvæmdastjórnarinnar (ESB) 2017/2400.Fyrir ökutækjahópa sem ekki falla undir reglugerð (ESB) 2019/1242, skal viðmiðunarlosun koltvísýrings byggjast á reglugerð (ESB) 2018/956.Umsögn: helstu breytingar, mati á umfangi, og áhrif hér á landi: Ákvörðunin felur í sér að hægt er að fella fleiri ökutæki undir gjaldtöku vegna notkunar á vegamannvirkjum. Verði niðurstaðan sú að gjaldtakan á að fara þannig fram að hún sé lögð á öll sambærileg ökutæki óháð notkun á einstaka vegamannvirkjum verður eina hlutverk Samgöngustofu að sjá til þess að þeir reitir í ökutækjaskrá sem innihalda upplýsingar um losun ökutækjanna - grundvöll gjaldtökunnar - séu til staðar og uppfærðir. Stofnunin er undirbúin að því leyti.Ráðuneytið leitaði jafnframt álits Vegagerðarinnar á gerðinni. Stofnunin gerði ekki athugasemdir við að gerðin yrði hluti af samningnum um Evrópska efnahagssvæðið. Stofnunin benti jafnframt á að við gjaldtöku væri rétt að líta til gerðarinnar.Lagastoð fyrir innleiðingu gerðar: Lagastoð er að finna í 6. mgr. 17. gr. vegalaga nr. 80/2007. Rétt væri að reglugerðin yrði innleidd með breytingu á reglugerð um gjaldtöku af umferð flutningabifreiða, nr. 476/2017.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Ekki kostnaður hjá Samgöngustofu. Kostnaður fyrir eigendur ökutækja. Sá kostnaður yrði í formi skatta, veggjalda eða notkunargjalda.Skörun við starfssvið annarra ráðuneyta: Fjármála- og efnahagsráðuneytið.Tilgreining á hagsmunaaðilum: Vegagerðin, fjármála- og efnahagsráðuneytið.Horizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei
