32014L0056

Í tilskipun Evrópuþingsins og ráðsins 2006/43/EB er mælt fyrir um skilyrði fyrir viðurkenningu og skráningu einstaklinga, sem annast lögboðna endurskoðun, reglur um óhæði, hlutlægni og siðareglur starfsstéttar, sem gilda um þá einstaklinga, og rammann sem gildir um opinbert eftirlit með þeim. Þrátt fyrir það er nauðsynlegt að samræma frekar þessar reglur á vettvangi ESB til þess að auka gagnsæi og fyrirsjáanleika þeirra krafna sem gilda um slíka einstaklinga og auka óhæði og hlutlægni þeirra í verkefnum sem þeir sinna. Einnig er mikilvægt að auka lágmarkssamleitni að því er varðar endurskoðunarstaðla en lögboðin endurskoðun fer fram á grundvelli þeirra. Til að efla fjárfestavernd er enn fremur mikilvægt að styrkja opinbert eftirlit með löggiltum endurskoðendum og endurskoðunarfyrirtækjum með því að efla sjálfstæði opinberra eftirlitsyfirvalda ESB og fela þeim nægilegar valdheimildir, þ.m.t. rannsóknarvald og heimild til að beita viðurlögum, með það fyrir augum að koma upp um, hindra og koma í veg fyrir brot gegn gildandi reglum í tengslum við endurskoðunarþjónustu sem löggiltir endurskoðendur og endurskoðunarfyrirtæki veita.