32024R2564

Markmið reglugerðar Evrópuþingsins og ráðsins nr. 1272/2008 um flokkun, merkingu og pökkun efna og efnablandna [sem breytir m.a. reglugerð (EB) nr. 1907/2006 um skráningu, mat, leyfisveitingu og takmarkanir, að því er varðar efni (REACH)], er að tryggja öfluga heilsu- og umhverfisvernd svo og frjálsa dreifingu efna, efnablandna og hluta.Til að ná þeim markmiðum er m.a. lögð áhersla á að samræma viðmiðanir fyrir flokkun efna og efnablandna og reglur um merkingu og pökkun hættulegra efna og efnablandna.Með framseldri reglugerð og viðauka við hana er gerð breyting á töflu 3 í 3. hluta viðauka VI. við reglugerð (EB) nr. 1272/2008, þar sem mælt er fyrir um samræmda flokkun og merkingu hættulegra efna á grundvelli viðmiðana sem kveðið er á um í 2.-5. hluta viðauka I.Breytingunni er ætlað að auka öryggi og tryggja að flokkun og merking efna sé byggð á bestu vísindalegu þekkingu:·        Tafla 3.1 hefur verið endurnefnd tafla 3 eftir að töflu 3.2 var eytt.·        Ný samræmd flokkun og merkingar fyrir 27 tiltekin efni er bætt við.·        Samræmd flokkun og merking fyrir tiltekin 16 efni eru uppfærð.·        Samræmd flokkun og merking fyrir tiltekin 7 efni er eytt.Breytingin tekur gildi fyrsta dag mánaðarins að liðnum 18 mánuðum frá gildistökudegi reglugerðarinnar. Frá gildistöku hennar er þó heimilt að haga flokkun, merkingu og pökkun efna og efnablandna í samræmi við breyttan 3. hluta viðauka VI.