32017R1270

Í viðauka II við reglugerð (ESB) nr. 1333/2008 er að finna lista sambandsins yfir aukefni sem leyfð eru í matvæli og skilyrði fyrir notkun þeirra.

Listann má uppfæra í samræmi við sameiginlegu málsmeðferðina sem um getur í 1. mgr. 3. gr. reglugerðar Evrópuþingsins og ráðsins (EB) nr. 1331/2008, annaðhvort að frumkvæði Framkvæmdastjórnarinnar eða með umsókn.

Sótt var um leyfi fyrir notkun á kalíumkarbónati (E 501) í skrælda, skorna og rifna ávexti og grænmeti. Við vinnslu á ferskum ávöxtum og grænmeti geta gæði rýrnað vegna áhrifa ensíma og valdið breytingum s.s. brúnun og áferðabreytingum. Til þess að koma í veg fyrir brúnun hefur verið notuð askorbínsýra (E 300). Hins vegar getur notkun á askorbínsýru valdið niðurbroti á frumuvef og leitt til mýkingar og litabreytinga á ávöxtum og grænmeti. Kalíumkarbónat er virkara gegn brúnun þar sem efnið hefur sýrustillandi áhrif sem minnkar vefjaskemmdir

Vísindanefnd um matvæli (Scientific Committee for Food) setti leyfilegt ásættanlegt hópgildi daglegrar neyslu fyrir karbónöt. Því telst kalíumkarbónat ekki vera hættulegt heilsu í því magni sem þarf til að ná tæknilegum tilgangi sínum í matvælum. Notkun á kalíumkarbónati veldur því takmörkuðum váhrifum þegar það er notað til að koma í veg fyrir brúnun.

Samkvæmt gr.3(2) í reglugerð (EB) nr. 1331/2008, þarf Framkvæmdastjórnin að leita álits EFSA þegar listi Bandalagsins í viðauka II við reglugerð 1333/2008 er uppfærður, nema þegar tallið er að breytingin sé ekki líkleg til að hafa áhrif á heilsu. Þar sem leyfi til notkunar á kalíumkarbónati í skrælda, skorna og rifna ávexti og grænmeti telst vera breyting á listanum sem ekki er líklegt að hafi áhrif á heilsu, er ekki nauðsynlegt að leita álits EFSA.

Því er lagt til að leyft verði að nota kalíumkarbónati í skrælda, skorna og rifna ávexti og grænmeti. Viðauka II við reglugerð (ESB) nr. 1333/2008 er því breytt í samræmi við það.