32017R1576

Almennt: Reglugerð (ESB) nr. 540/2014 er um hljóðstig vélknúinna ökutækja og hljóðdeyfikerfa. Með henni var breytt tilskipun 2007/46/EB og tilskipun 70/157/EBE felld niður. Í reglugerð 540/2014 eru settar fram kröfur um hljóðstig allra nýrra ökutækja í flokki M og N, þ.e. fólksbifreiða, sendibifreiða, hópbifreiða, og vörubifreiða. Í reglugerðinni eru jafnframt settar fram ráðstafanir vegna AVAS, eða Acoustic Vehicle Alerting System, fyrir rafmagnsbíla, bæði tvinnbíla, e. hybrid og bifreiðar sem nota eingöngu rafmagn.
Vegna gildistöku UN reglugerðar nr. 138 er nauðsynlegt að endurskoða viðauka VIII til að auka nákvæmni tiltekinna AVAS krafna. Upplýsingaskjöl í viðauka I þarf að endurskoða til að endurspegla nákvæmar kröfur sem AVAS setur fram.
Með reglugerðinni er breytt viðauka VIII við reglugerð ESB nr. 540/2014 í samræmi við tæknilegar kröfur og prófunaraðferðir AVAS kerfisins. Það er gert með tilvísun í UN reglugerð nr. 138.
Efnisútdráttur: Reglugerðin inniheldur aðeins tvö ákvæði, 1. gr. sem inniheldur breytingar á viðaukum I og VIII og 2. gr. sem er gildistökuákvæði.
1. gr. er skipt í tvo liði
I) Eftirfarandi breytingar eru gerðar á I. viðauka um ESB gerðarviðurkenningar að því er varðar hljóðstig gerðar ökutækis:
a) Í 1. viðbæti (upplýsingaskjal nr… skv. I. viðauka..) er nýjum lið 12.8. AVAS (12.8.1 UNECE reglugerð nr. 138 eða 12.8.2 reglugerð nr. 540/2014) bætt við.
b) Í viðbót við 2. viðbæti (fyrirmynd að ESB gerðarviðurkenningarvottorði) kemur nýr 3. liður (AVAS fitted: yes/no) og athugasemdir færast niður í 4. lið.
II) Í stað viðauka VIII um ráðstafanir varðandi hljóðörvunarkerfi í ökutæki kemur textinn í viðauka við þessa reglugerð.
Umsögn: Áhrif hér á landi eru óbein þar sem engin ökutækjaframleiðsla er hér á landi eins og er.