32020R1118

Markmið sem að er stefnt: Um er að ræða reglugerð framkvæmdastjórnarinnar frá 27. apríl 2020 um breytingu reglugerð Evrópuþingsins og ráðsins (EB) nr. 785/2004 um kröfur um vátryggingar fyrir flugrekendur og umráðendur loftfara.
Markmiðið með þessari gerð er að uppfæra lágmarks tryggingarvernd vegna farangurs og farms til samræmis við verðbólguþróun.
Aðdragandi: Í reglugerð (EB) nr. 785/2004 er kveðið á um kröfur um tryggingar fyrir flugrekendur og umráðendur loftfara. Í þeirri gerð eru settar fram lágmarkskröfur um vátryggingar fyrir flugrekendur og umráðendur loftfara að því er varðar farþega, farangur og farm þannig að tryggt sé að flugrekendur séu nægilega tryggðir til eð geta staðið við skuldbindingar samkvæmt Montreal-samningnum.
Alþjóðaflugmálastofnuninni (ICAO) er skylt að endurskoða ábyrgðarmörk samningsins með hliðsjón af verðbólgu þáttum. Stofnunin hefur nýlega endurskoðað ábyrgðarmörk með vísan til verðbólgu, en slík endurskoðun var síðast gerð 28. desember 2019.
Endurskoðunin nú hefur leitt í ljós að lágmarks tryggingarvernd vegna farangurs og farms sem tapast samkvæmt reglugerð (EB) nr. 785/2004 er undir viðmiðunarmörkum Montreal-samningsins.
Því er reglugerð (EB) nr. 785/2004 breytt til að hækka lágmarks tryggingarviðmið til samræmis við verðbólguþróun.
Efnisútdráttur: Lágmarkstryggingarvernd samkvæmt reglugerð (EB) nr. 785/2004 vegna farangurs og farms er nú undir viðmiðunarmörkum Montreal-samningsins.
Með þessari reglugerð eru gerðar breytingar á 2. og 3. mgr. 6. gr. reglugerðar (EB) nr. 785/2004 varðandi lágmarks vátryggingavernd vegna farangurs, frá því að vera 1,131SDR í að vera 1,288 SDR og lágmarks vátryggingavernd vegna farms frá því að vera 19SDR/kg í að vera 22SDR/kg.
Umsögn: helstu breytingar, mati á umfangi, og áhrif hér á landi: Reglugerðin getur haft áhrif á iðgjöld trygginga hjá flugrekendum.
Lagastoð fyrir innleiðingu gerðar: Lagastoðin er 131. gr., sbr. 145. gr. laga um loftferðir nr. 60/1998 með síðari breytingum.
Rétt væri að reglugerðin yrði innleidd með breytingu á reglugerð nr. 78/2006 um skylduv átryggingar vegna loftferða.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.