MiCA - 32023R1114

Í gerðinni eru sýndareignir skilgreindar sem stafræn framsetning á gildi eða réttindum sem hægt er að flytja og geyma rafrænt með dreifðri færsluskrártækni (e. Distributed Ledger Technology) eða svipaðri tækni.  Gerðin tekur til þriggja meginflokka sýndareigna: 1) Rafeyristóki (e. electronic money token) sem skilgreinist sem form rafeyris sem heldur virði sínu í hlutfalli við einn opinberan gjaldmiðil. 2) Eignatengdur tóki (e. asset-referenced token) sem er ekki rafeyristóki og hefur þann tilgang að viðhalda virði sínu í hlutfalli við önnur verðmæti eða réttindi, þ. á m. einn eða fleiri opinberan gjaldmiðil. 3) Aðrar sýndareignir sem ekki eru refeyristókar eða eignatengdir tókar.  Mismunandi skilyrði gilda fyrir þá aðila sem vilja stunda viðskipti með þessar þrjár tegundir meginflokka sýndareigna, t.a.m. starfsleyfi, útgáfa upplýsingaskjals, ábyrgðartrygging o.fl.  Þá fjallar gerðin um þjónustuveitendur sýndareigna og gerir hún ítarlegar kröfur um skipulag og starfsemi þeirra. Gerðin fjallar einnig um reglur til að koma í veg fyrir markaðsmisnotkun og innherjaviðskipti. Þær reglur svipa til almennra markaðsmisnotkunarreglna sem gilda um fjármálagerninga.