32020R2193

Markmið sem að er stefnt: Markmið er að tryggja að starfsfólk í flugi búi yfir viðeigandi hæfni og að þjálfunaraðferðir tryggi að starfsfólk geti tekist á við nýja tækni.
Efnisútdráttur: Með þessari reglugerð eru gerðar breytingar þeim kröfum til þjálfunar, prófana og eftirlits með flugmannskírteinum sem kveðið er á um í reglugerð (ESB) nr. 1178/2011.
Gerðar eru breytingar á svokallaðri gagnreyndri þjálfun (EBT) sem miðar að því að þjálfun flugmanna sé í takt við þá hæfni sem nauðsynleg er við raunverulegar aðstæður í atvinnuflugi.
Markmiðið með gagnreyndri þjálfunar (EBT) er að bæta kennsluaðferðir til að tryggja öryggi og auka hæfni áhafna flugféla til að stjórna loftförum á öruggan hátt og geta greint og tekist á við óvæntar aðstæður. Þessi þjálfunar aðferð snýst um að auka þekkingu og draga úr formlegum prófunum.
Gert er ráð fyrir að með því að samræma ákvæði reglugerðar (ESB) nr. 1178/2011 og reglugerðar (ESB) 376/2014 um skýrslugerð og greiningu og eftirfylgni með atvikum í almenningsflugi. Með því verði stutt við notkun skilvirkra tilkynningarkerfa sem hluta af öryggisstjórnun. Þá er miðað að því að tryggja að aðildarríkin geti áfram viðurkennt leyfi og læknisvottorð frá þriðju ríkjum.
Þessi breytingargerð, nr. 2020/2193, snýr að því að framlengja tímabundið það tímabil sem aðildarríkin geta ákveðið sjálf hvort þau beita ákvæðum reglugerðar (ESB) 1178/2011 á yfirráðasvæði þeirra gagnvart flugmönnum sem hafa leyfi og tilheyrandi læknisvottorð útgefin í þriðja ríki vegna tiltekinna loftfara sem ekki eru rekin í atvinnuskyni.
Þá eru gerðar breytingar til að samræma 1. viðbæti reglugerðar (ESB) nr. 1178/2011 sem kynntar voru með framkvæmdareglugerð (ESB) 2018/1974 og gilda frá 31. janúar 2022 við breytingar á viðauka við framkvæmdarreglugerð reglugerð (ESB) 2020/359.
Einnig eru gerðar leiðréttingar á tilteknum tæknilegum villum og skýringum bætt við.
Umsögn: helstu breytingar, mati á umfangi, og áhrif hér á landi: Gerðin felur ekki í sér breytingar fyrir Samgöngustofu en hefur helst áhrif á flugrekendur sem kjósa að notast við gagnreynda þjálfun (EBT).
Lagastoð fyrir innleiðingu gerðar: Lagastoðin er 31. gr., sbr. 145. gr. laga um loftferðir nr. 60/1998 með síðari breytingum.
Rétt væri að reglugerðin yrði innleidd með breytingu á reglugerð nr. 180/2014 um áhöfn í almenningsflugi.
Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Tilgreining á hagsmunaaðilum: Flugrekendur sem kjósa að notast við gagnreynda þjálfun (EBT).
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.