32022D0146

Danmörk óskaði eftir þann 2. júlí 2020 að framkvæmdastjórnin myndi ákvarða hvort að vara sem inniheldur virka efnið alkýl (C12-16) dímetýlbensýlammóníumklóríð í styrkleikanum 2,4% teljist sem sæfivara, sbr. skilgreiningu í a-lið 1. mgr. 3. gr. reglugerðar (ESB) nr. 528/2012 (BPR). Virka efnið er í endurskoðunaráætluninni sem fyrirliggjandi virkt efni til notkunar í sæfivörur í vöruflokki 2, sótthreinsiefni og þörungaeyðar sem ekki eru ætluð til þess að bera beint á menn eða dýr.Miðað við lýsingar framleiðanda og dreifingaraðila á vörunni þar sem henni er m.a. lýst sem hreinsiefni með langvarandi virkni til að fjarlægja uppsöfnuð lög á timbri, múrsteini, þakplötum, gangstéttarhellum og öðrum yfirborðum og að hún brjóti niður vöxt og veiti vörn fyrir vexti, sem megi sjá sem græn lög á yfirborði eða sem dökka bletti sérstaklega á stöðum þar sem sól nær ekki til, á norðurhliðum og þar sem er mikill raki, megi draga þá ályktun að vörunni er ætlað að koma í veg fyrir og vinna á þörungavexti.Varan skal teljast sem sæfivara, sbr. skilgreiningu í a-lið 1. mgr. 3. gr. BPR, þar sem varan inniheldur virkt efni og er notuð til að verjast skaðlegri lífveru með öðrum hætti en eingöngu efnislegum eða vélrænum aðferðum.