Tilskipun 2014/91/EB - 32014L0091

Tilskipun Evrópuþingsins og ráðsins nr. 2014/91/EB (hér eftir tilskipun 2014/91 eða UCITS V) breytir eldri tilskipun Evrópuþingsins og ráðsins nr. 2009/65/EB frá 13. júlí 2009 um samræmingu á lögum og stjórnsýslufyrirmælum að því er varðar verðbréfasjóði (UCITS) (hér eftir tilskipun 2009/65 eða UCITS IV). UCITS V er ætla að bæta fyrir upp þá veikleika sem hafa komið í ljós á UCITS IV regluverkinu og leitt hafa til eignataps fyrir fjárfesta. Með tilskipun 2014/91 eru þrír þættir settir í brennidepil til að auka öryggi fjárfesta UCITS sjóða. Þessir þættir eru: • hlutverk vörslufyrirtækja er skýrt frekar og ákvæði um ábyrgð þeirra endurbætt • nýjar reglur um kaupaukakerfi lykilstarfsmanna settar • samræming á lágmarks valdheimildum opinberra eftirlitsaðila. Tilskipun 2014/91 setur ítarlegar reglur um hlutverk vörslufyrirtækja og hvaða aðilar geti sinnt því að vera vörslufyrirtæki. Samhlið ítarlegri reglum um hlutverk vörslufyrirtækja skýrir tilskipun 2014/91 fyrri ákvæði um hlutverk vörslufyrirtækja, m.a. hlutverk fyrirtækjanna er varðar fjármálagerninga sem þau hafa umsjón með. Breytingarnar eiga einnig að samræma eftirlitshlutverk vörslufyrirtækja og ákvarða skilyrði fyrir útvistun á verkefnum vörslufyrirtækja til þriðja aðila. Þessu til viðbótar skýrir tilskipun 2014/91 frekar ábyrgð vörslufyrirtækja. Markmiðið er m.a. að koma í veg fyrir að fjárfestar í UCITS sjóðum þurfi að standa í langdregnum málaferlum til að skera úr um ábyrgð vörslufyrirtækja þegar eignar í umsjón þeirra tapast. Með tilkomu tilskipunar 2014/91 verða rekstrarfélög að setja sér kaupaukastefnu fyrir starfsmenn félaganna og aðra aðila sem taka ákvarðanir sem hafa áhrif á áhættutöku UCITS sjóða og rekstrarfélaganna. Að lokum þá sýndi það sig í hruninu að opinberir eftirlitsaðilar í aðildarríkjum Evrópusambandsins beittu sér á mismunandi vegu gangvart brotum á UCITS reglum. Til að bæta þetta er tilskipun 2014/91 ætlað að samræma lágmarks valdheimildir þessara eftirlitsaðila.