32014D0702

Hröð tækniþróun kallar á breytingu á ákvörðun 2007/131/EC sem fjallar um notkun tíðnisviðsins með UWB tækni, Ultra Wide Band. Markmiðið með þessari gerð er að uppfæra þær reglur sem um þetta gilda með hliðsjón af nýrri tækni sem er í boði.
Upphaflega gerðin, 2007/131/EC, segir til um reglur fyrir notkun tíðnisviðsins með UWB tækni. Henni var síðan breytt með gerð 2009/343/EC. Hröð tækniþróun kallar á breytingu á reglunum sem gilda eiga svo neytendur geti notið nýrrar tækni, án þess að það komi niður á öðrum notendum tíðnisviðsins.
Slakað er á ýmsum tæknilegum kröfum og til þess gerðar breytingar á gerðinni. Til að mynda að leyft verður meira sendiafl á ákveðnum UWB fjarskiptabúnaði án þess að dregið sé úr öryggi þess sem fyrir er. Um er ræða m.a. UWB fjarskiptabúnað sem notaðar er í bílum, lestum og staðsetningarbúnaði. Þá er slakað á kröfum um búnað sem notaður er í byggingargeiranum, þ.e. material sensing devices.
Eins og áður er nefnt er fyrst og fremst um að ræða slökun á tæknilegum kröfum, um virkni búnaðar. Búnaður sem kemur til með að koma á markaðinn mun verða hannaður miðað við þessar breytingar.
Aðlögunartexta hefur verið óskað fyrir Noreg og Ísland sem er svohljóðandi:
“Iceland and Norway shall be exempted from allowing the use of the 6.0 to 8.5 GHz band by equipment using ultra-wideband technology onboard aircraft.”
Ástæðan er að notkun þessara tíðna um borð í flugvélum gæti orsakað truflanir við aðra notkun sömu tíðna í nágrenni flugvalla.