32016R0068

Framkvæmdarstjórn ESB setti á fót sameiginlegt rafrænt kerfi sem kallast TACHOnet og gerir aðildarríkjum kleift að óska eftir upplýsingum frá öðrum aðildarríkjum varðandi útgáfu ökuritakorta sem og að kanna stöðu þeirra, t.d. hvort ökumaður hafi áður fengi útgefið ökuritakort.
Með þessari reglugerð eru settar fram kröfur, verklagsreglur og tæknilýsingar, um þá skyldu til að tengja kerfi aðildarríkis við TACHOnet kerfið í samræmi við ákvæði 31. gr. reglugerðar nr. 165/2014/ESB. Í þeirri reglugerð eru aðildarríkin m.a. skylduð til að skiptast rafrænt á gögnum til að tryggja sérstæði útgefinna ökuritakorta. Gerð er krafa um samtengingu rafræns kerfis aðildarríkis við TACHOnet eða annað sambærilegt kerfi, sem verður þó að gera mögulegt að nálgast og skiptast á rafrænum gögnum við önnur aðildarríki í gegnum TACHOnet kerfið.
Með þessari reglugerð sem hér er til umfjöllunar er aðildarríkjum Evrópusambandsins og EES-svæðisins gert skylt að starfa eftir sömu verklagsreglum og tæknilýsingum við rafræna skráningu ökuritakorta, þ.e. THACHOnet, sem mælt er fyrir um í 31. gr. reglugerð nr. 165/2014/ESB. Sú reglugerð hefur ekki verið innleidd hér á landi.
Helstu breytingar hér á landi felast uppfærslu á þeim verklagsreglum og tæknilýsingum sem þegar er verið að starfa eftir hjá Samgöngustofa um TACHOnet kerfið.
Reglugerðin hefur ekki í för með sér neinar efnislegar breytingar á núverandi regluverki. Kostnaður við það að uppfæra núverandi kerfi (TACHOnet) við þær kröfur sem koma fram í reglugerðinni fellur til vegna vinnu við hugbúnað auk uppfærslu á verklagsreglum og tæknilýsingum sem starfað er eftir og fellur innan reglubundinnar starfssemi Samgöngustofa hefur yfirumsjón og ábyrgð með rekstri TACHOnet en aðrir hagsmunaaðilar eru þeir sem reka fólks- og vöruflutningabifreiðir.
Reglugerðin verður innleidd með tilvísunaraðferð í reglugerð nr. 605/2010 um aksturs- og hvíldartíma ökumanna, notkun ökurita og eftirlit.