32016R1718

Með gerðinni eru gerðar breytingar á reglugerð ESB nr. 582/2011 sem snúa að útblæstri þungra ökutækja sem falla undir og uppfylla Euro VI staðalinn. Er þetta liður í því að takmarka útblástur skaðlegra efna frá ökutækjum.
Reglugerð (EB) nr. 595/2009 er eitt sérstakra stjórnvaldsfyrirmæla sem fjalla um gerðarviðurkenningaraðferðina sem mælt er fyrir um í tilskipun 2007/46/EB. Þar er þess krafist að ný, þung ökutæki uppfylli ný viðmiðunarmörk fyrir losun og gerðar frekari kröfur um aðgang að upplýsingum.
Reglugerð (ESB) nr. 582/2011 er um framkvæmd og breytingu á reglugerð (EB) nr. 595/2009 um losun frá þungum ökutækjum (Euro VI) en með henni var breytt I og III. viðauka við tilskipun 2007/46/EB. Í henni eru settar fram þær kröfur sem nauðsynlegar eru fyrir gerðarviðurkenningu ökutækja sem falla undir Euro VI forskriftina.
Í ljósi nýrrar greiningar á útblástursprófunum, portable emission measurement systems; PEMS, þar sem fram hafa komið annmarkar sem grafa undan skilvirkni evrópskrar löggjafar um gerðarviðurkenningar á útblásturseiginleikum þungra ökutækja er þörf á að breyta reglugerð ESB nr. 582/2011 til að tryggja virkni þeirra ákvæða hennar sem sett voru í því skyni að vernda umhverfið.
Reglugerð framkvæmdastjórnarinnar (ESB) nr. 582/2011 er því breytt þannig að ákvæði 3. mgr. 14. gr. (um kröfur um að takmarka losun utan lotu) og 5. mgr. 15. gr. (um mengunarvarnarbúnað) eru felld niður og nýtt ákvæði er sett inn, 17. gr. a (umbreytingarákvæði fyrir ákveðnar gerðarviðurkenningar og samræmisvottorð). Þá breytast viðaukar I, II, VI, XI, XIII og XIV í reglugerð nr. 582/2011 í samræmi við viðaukana við þessa nýju gerð.
Þessi gerð hefur lítil sem engin áhrif þar sem engir bílaframleiðendur eru hér á landi. En við innflutning nýrra bíla til landsins er athugað hvort mengunarlöggjöf sé uppfyllt. Ekkert er gert vegna ökutæki sem flutt eru inn til landsins og hafa verið skráð áður í Evrópu, þá er talið að ökutækið uppfylli mengunarlöggjöfina.