32016R0799

Með þessari reglugerð eru sett fram nánari skilyrði fyrir smíði, prófun, uppsetningu, notkun og eftirliti á ökuritum og íhlutum þeirra til viðbótar við þær kröfur sem gerðar eru í reglugerð ESB. nr. 165/2014. Eru þar m.a. ákvæði sem eru nauðsynleg til að tryggja samræmda notkun ökurita, s.s. upptaka af staðsetningu ökutækis á vinnutíma ökumanns, koma upp um misnotkun og stjórnunar- og tæknilegar kröfur fyrir gerðarviðurkenningarferli ökurita.
Með reglugerð ESB nr. 165/2014 var kynnt til sögunnar önnur kynslóð rafrænna ökurita. Tilgangurinn var að tryggja skýrleika ásamt því að einfalda meginreglur og að bregðast við þeim tæknilegu framförum sem orðið höfðu. Meðal þess sem bættist þá við þær reglugerðir sem giltu áður um ökurita var að komið var á tengingu ökurita við GPS-staðsetningartæki. Slíkt var talið mikil hagræðing ekki síst við umferðareftirlit. Í reglugerð ESB 165/2014 má finna þær skyldur og kröfur sem fylgja smíði, ísetningu, notkun, prófun og eftirliti með ökuritum sem notaðir eru við flutninga á vegum í þeim tilgangi að uppfylla kröfur sem gerðar eru í reglugerð EB nr. 561/2006, tilskipun þingsins og ráðsins nr. 2002/15/EC og tilskipun ráðsins nr. 92/6/EEC. Reglugerð 165/2014 er orðinn hluti af EES-samningnum.
Ekki er að fullu ljóst hversu miklar breytingar þetta nýja ökuritakerfi mun hafa í för með sér hér á landi eða umfangi þessi á næstu árum þar sem þeir ökuritar sem eru í notkun í dag má nota á meðan þeir endast svo fremi að þeir séu notaðir í bifreiðum í innanlandsflutningum. Þau ökutæki sem notuð eru í alþjóðaflutningum þurfa að vera útbúin ökuritum af annarri kynslóð innan 15 ára frá gildistöku reglugerðar 2016/799
Þegar settir eru nýir ökuritar í bifreiðar skulu þeir vera af þeirri gerð sem fjallað er um í reglugerð 2016/799, þ.e. af annarri kynslóð ökurita eða smart tachographs. Frá júní 2019 skulu aðildarríkin einungis gefa út kort í annarrar kynslóðar ökurita. Verða þau hönnuð svo að einnig sé hægt að nota þau í fyrstu kynslóðar ökurita í því skyni að einfalda aðlögun að þessu nýja kerfi.
Einhver minniháttar kostnaður mun hljótast af því að tekin verða upp ný og breytt ökuritakort og mögulega getur orðið einhver stofnkostnaður fyrir Samgöngustofu. Engar nákvæmar upplýsingar er þó enn að fá í þeim efnum frá framleiðanda kortanna en útgáfa þeirra hefst ekki fyrr en árið 2019.
Í dag er tekið gjald fyrir ökuritakort hjá Samgöngustofu og er því ætlað að standa undir kostnaði við að framfylgja gildandi EES-reglum þar um og má gera ráð fyrir að svo verði áfram með tilkomu nýrra ökuritakorta. Gjaldtaka hjá Samgöngustofu mun því að öllu óbreyttu hækka í samræmi við þann kostnað sem fellur til vegna útgáfu nýrra ökuritakorta.
Þá má gera ráð fyrir að kostnaður falli til hjá þeim sem setja ökuritana í bifreiðar og sjá um að veita þjónustu við hann auk kostnaðar þeirra sem sjá um eftirlit með búnaðinum á vegum úti. Ekki liggja fyrir tölur um þennan kostnað í dag.