32019R0129

Markmið sem að er stefnt: Markmiðið er að tryggja hnökralausa beitingu reglugerðar 168/2013/ESB. Í þeim tilgangi eru gerðar á henni tilteknar breytingar vegna vandamála sem komið hafa upp hjá yfirvöldum og hagsmunaaðilum.
Aðdragandi: Með reglugerð 168/2013/ESB um viðurkenningu á og markaðseftirlit með vélknúnum ökutækjum á tveimur eða þremur hjólum og fjórhjólum var komið á stjórnsýslulegum og tæknilegum kröfum fyrir gerðarviðurkenningu allra nýrra ökutækja, kerfa, íhluta og aðskilinna tæknieininga sem og kröfum fyrir markaðseftirlit. Með þessari reglugerð sem hér er til umfjöllunar eru gerðar breytingar á nokkrum greinum og viðaukum við reglugerð 168/2013/ESB.
Efnisútdráttur: Reglugerðin inniheldur tvær greinar, auk viðauka.
1. gr. – Eftirfarandi breytingar eru gerðar á reglugerð 168/2013/ESB: 1) inn kemur ný 21. gr. um almennar kröfur varðandi innbyggð greiningarkerfi; 2) inn kemur nýr c)-liður í 3. mgr. 23. gr. um stærðfræðilega aðferð við ákvörðun endingar; 3) Í b)-lið 1. mgr. 30. gr. kemur „the test result sheet“ í stað „niðurstöður úr prófunum“ e. the test results; 4) nýr málsliður kemur í stað annars málsliðar í 1. mgr. 44. gr. og varðar að setja síðustu ökutæki gerðar á markað, skrá þau eða taka þau í notkun; 5) inn kemur ný 2. mgr. 75. gr. um beitingu framsals þar sem framkvæmdastjórninni eru veittar valdheimildir til að samþykkja tilteknar framseldar gerðir; 6) breytingar eru gerðar á II., IV., V. og VI. viðauka í samræmi við viðauka við þessa reglugerð.
2. gr. – Gildistökuákvæði.
3. Viðauki. Gerðar eru breytingar á II., IV., V. og VI. viðauka við reglugerð 168/2013/ESB.
Umsögn; helstu breytingar, mati á umfangi, og áhrif hér á landi: Ætla má að ákvörðun þessi hafi lítil áhrif hér á landi þar sem hér eru engir framleiðendur ökutækja eins og stendur.
Lagastoð fyrir innl. gerðar: Reglugerðin verður innleidd í reglugerð um gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Enginn kostnaður.
Skörun við starfssvið annarra ráðuneyta: Nei.
Altækar spurningar; Horizontal issues: -Sektir, -Aðrar refsingar, -Stofnanir, -Lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.