32019R0343

Gerðin varðar reglugerð (EB) nr. 1924/2006 um næringar og heilsufullyrðingar, einkum greinar 1(3) og 1(4) þeirrar reglugerðar.

Samkvæmt reglugerð 1924/2006 er sérhver fullyrðing þar sem er fullyrt, látið að því liggja eða gefið í skyn að tengsl séu milli tiltekins matvælaflokks, tiltekinna matvæla eða eins af innihaldsefnum þeirra og heilbrigðis talin heilsufullyrðing og lýtur því ákvæðum reglugerðarinnar.

Í 4. mgr. 1. gr. reglugerðar (EB) nr. 1924/2006 er kveðið á um hugsanlega undanþágu frá ákvæðum 3. mgr. 1. gr. þeirrar reglugerðar fyrir almennar lýsingar sem eru venjulega notaðar til að gefa til kynna sérstaka eiginleika fyrir flokk matvæla eða drykkja og sem gæti gefið til kynna áhrif á heilbrigði manna.

Stjórnandi matvælafyrirtækis getur sent umsókn um heiti sem nota skal sem almenna lýsingu til lögbærs yfirvalds viðkomandi aðildarríkis sem framsendir hana tafarlaust til framkvæmdastjórnarinnar og allra aðildarríkja EB. Þau ríki sem umsóknin snertir skulu senda framkvæmdastjórninni umsögn sína.

Þegar framkvæmdastjórnin hefur móttekið gilda umsókn og umsagnir aðildarríkja getur hún samþykkt almenna lýsingu í samræmi við ákvæði reglugerðar 1924/2006.

Framkvæmdastjórn EB, hefur á árunum 2015 og 2017 móttekið umsóknir um notkun á almennum lýsingum frá aðildarríkjunum.

Umsóknirnar varða, í fyrsta lagi, ýmsar gerðir af hálsbrjóstsykri, hálstöflum og hóstasaft frá Austurríki, Þýskalandi og Finnlandi. Sótt er um leyfi fyrir almennu lýsingunum: Brust-Caramellen, Hustenbonbon, Halsbonbon, Hustenmischung, Hustenperle, Hustenstopper, Hustenzuckerl, Cough drops, Hoestbonbon, Keelpastille, Rebuçados para a tosse, Kurkkupastilli, Halspastill og Hustensirup.

Álit umsagnaraðila staðfestu að hefð væri fyrir notkun þessara heita í viðkomandi löndum og að ekki væri gefið í skyn að þessi tegund matvæla hafi áhrif á heilsu og að það væri jafnframt að skilningur hins almenna neytenda.

Því samþykkti framkvæmdastjórnin að veita undanþágu frá reglugerð 1924/2006 og leyfi fyrir þessum almennu lýsingum.

Í öðru lagi umsóknir frá Bretlandi og Rúmeníu varðandi gosdrykki sem innihalda beiska efnið quinine í formi eftirfarandi bragðefna FL 14.011, FL 14.152 eða 14.155 skv. bragefnalista reglugerðar um bragðefni nr. 1334/2008. Sótt er um leyfi fyrir heitinu tonic (Enska) í samsettum nöfnum s.s. tonic water og sambærilegra nafn á öðrum tungumálum: Tоник, tonik, tónica, tonica og tonică.

Álit umsagnaraðila staðfestu að hefð væri fyrir notkun heitanna í þessum löndum og að ekki væri gefið í skyn að þau hafi áhrif á heilsu og að það væri jafnframt að skilningur hins almenna neytenda.

Því samþykkti framkvæmdastjórnin að veita undanþágu frá reglugerð 1924/2006 og leyfi fyrir þessum almennu lýsingum í öllum aðildarríkjum EB.

Loks umsókn frá Ítalíu um notkun á almennu heiti fyrir tiltekna tegund af bökunarvöru (kexi) Biscotto salute.

Álit umsagnaraðila staðfestir að hefð sé fyrir notkun heitisins á Ítalíu sem almenn lýsing á tiltekinni gerð bökunarvöru og að ekki væri gefið í skyn að það hafi áhrif á heilsu og að það væri jafnframt að skilningur hins almenna neytenda.

Því samþykkti framkvæmdastjórnin að veita undanþágu frá reglugerð 1924/2006 og leyfi fyrir þessu heiti sem almennri lýsingu.

Almennar lýsingar sem er að finna í viðauka við þessa reglugerð eru undanþegnar ákvæðum 3. mgr. 1. gr. reglugerðar (EB) nr. 1924/2006 samkvæmt þeim skilyrðum sem sett eru í viðaukanum.