32018R2066

Í 76.gr. reglugerðarinnar eru gerðar breytingar á núgildandi reglugerð ESB um vöktun og skýrslugjöf nr. 601/2012 sem gilda frá 1. janúar 2019, en reglugerð nr. 601/2012 var innleidd í íslensk lög með breytingum á lögum um loftslagsmál nr. 70/2012 og reglugerð 72/2013. Breytingar samkvæmt 76.gr. á núgildandi reglugerð varða innleiðingu CORSIA (Carbon Offsetting and Reduction Scheme for International Aviation) inn í viðskiptakerfið, en CORSIA er nýtt kerfi á vegum Alþjóðaflugmálastofnunarinnar (ICAO) sem tekur á losun frá alþjóðaflugi og verður innleitt á alheimsvísu. Til að draga úr stjórnsýslubyrði bæði á flugrekendur og aðildarríki var ákveðið að innleiða CORSIA inn í viðskiptakerfið, og er þeim breytingum ætlað að samræma regluverki að CORSIA regluverkinu.
Aðrar breytingar í reglugerðinni munu taka gildi 1. janúar 2021. Þeim breytingum er fyrst og fremst ætlað að gera kerfið skýrara og draga úr stjórnsýslubyrði en þær eru m.a. eftirfarandi:

• Einfaldari vöktunarreglur þurfa að taka gildi fyrir efnisstrauma af hreinum lífmassa þar sem útblástur sem kemur frá lífmassa er yfirleitt flokkaður sem 0 í ETS.
• Bætt er við reglum um flutning N2O milli rekstraraðila sambærilegar þeim sem til eru fyrir flutning CO (m.a. vegna jarðfræðilegrar geymslu til langs tíma sbr. CarbFix).
• Skilgreiningin á CO2 er víkkuð frá því að ná til CO2 sem finnst í eldsneyti yfir í CO2 sem finnst í öllum þeim efnisstraumi sem vaktaður er.
Ákvæði 27.gr. og 27gr. a í tilskipun 2003/87 EB veitir aðildarríkjunum heimild til að ákveða hvort litlir rekstaraðilar verði útilokaðir frá ETS kerfinu. Á þriðja tímabilinu hafa rekstraraðilar sem falla undir skilyrði 27.gr. haft heimilt til að standa utan kerfisins, en 27.gr. a er ný og hefur enn ekki verið tekið ákvörðun um hvort að þessar heimildir verða innleiddar í íslensk lög. Aðildarríkin ákveða sjálf hvort litlir rekstraraðilar sem falla undir 27 eða 27.gr.a uppfylla skilyrði vöktunar samkvæmt þessari reglugerð. Mikilvægt er að taka ákvarðanir um undanþágur sem fyrst til að litlir rekstraraðilar geti gert viðeigandi ráðstafanir og að skýr fyrirmæli liggi fyrir um vöktun sem fyrst.