Opinbert eftirlit - 32019R2126

Efni:
Í þessari reglugerð eru settar fram reglur um:
• Sértækt opinbert eftirlit og ráðstafanir sem grípa skal til í kjölfar framkvæmdar á slíku eftirliti. Þessar reglur gilda m.a. um sendingar af:
o Óflegnum, loðnum, villtum dýrum, þar sem eftirlit með ástandi er fullgert á ákvörðunarstað sendingarinnar
o Ferskum lagarafurðum sem er landað beint úr fiskiskipum sem sigla undir fána þriðja lands, þar sem opinbert eftirlit er framkvæmt í höfnum sem aðildarríkin tilnefna (byggt á 1005/2008/EB – ekki EES tæk)
o Frosnum túnfiski, sem er landað beint úr fiskiskipum sem sigla undir fána þriðja lands og er fluttur óverkaður á ákvörðunarstað þar sem opinbert eftirlit fer fram (byggt á 1005/2008/EB og 952/2013/EB – ekki EES tækar)
o Lagarafurðum, sem er landað í þriðja landi en koma úr fiskiskipum sem sigla undir fána aðildarríkis. Þá dugir að framkvæma sannprófun skjala á landamæraeftirlitsstöð ef þessar afurðir uppfylla kröfur skv. 72. gr. reglugerðar 2019/627/EB

• Tilfelli og skilyrði sem flokkar dýra og vara þurfa að uppfylla til að verða undanþegnir opinberu eftirliti
o Þessar sérreglur gilda aðeins fyrir grísku eyjarnar Rhodos, Mitilini og Krít og frönsku yfirráðasvæðin Guadeloupe, franska Gínea, Martinique og Mayotte. Leyfilegt er að flytja ákveðnar vörur þangað frá þriðju ríkjum ef þær eru einungis til neyslu á þessum svæðum. Frekari skilyrði eru lögð niður fyrir þessari undanþágu. (Snertir ekki Ísland).

Tekur gildi:
14. desember 2019, samhliða nýju eftirlitsreglugerðinni nr. 2017/625/EB