Innleiðingar breytinga á gerð samevrópskra hagtalna um orku - 32019R2146

 Helstu áhrif gerðarinnar felast í því að kynntur er spurningalisti fyrir ítarlega sundurliðun á endanlegri orkunotkun fyrir mismunandi geira. Gerðin hefur aðallega í för með sér kröfu um frekari sundurliðun á orkunotkun iðnaðargeirans. Helstu áhrif gerðarinnar eru því að Ísland þyrfti að sundurliða frekar endanlega orkunotkun iðnaðargeirans og skila sérstökum spurningalista um endanlega orkunotkun þar sem ítarlegri upplýsingar koma fram en í árlegu orkuvörulistunum (kol, raforka o.s.frv.).  Ákveðnar undanþágur fengust hvað varðar nokkra flokka orkugjafa sem lítið sem ekkert eru í notkun á Íslandi og muni skila sáralitlum niðurstöðum og munu ekki mæta innlendum þörfum. Þetta eru árleg tölfræði yfir jarðgas og kjarnorku, mánaðarleg tölfræði yfir fast jarðefnaeldsneyti (kol) og jarðgas, og skammtíma tölfræði varðandi birgðastöðu hráolíu.   Ástæðurnar að baki þeirra liggur í því að þessir orkugjafar; jarðgas, kjarnorka og kol eru í mjög takmarkaðri notkun á Íslandi. Varðandi mánaðarleg skil um birgðastöðu hráolíu myndu gögn einnig skila litlu þar sem engin hráolía er unnin á Íslandi og aðeins er flutt inn lítið magn. Einnig er Ísland algerlega einangrað frá orkudreifikerfi Evrópu og hafa því minni merkingu fyrir evrópska notendur.