32020R0639

Aðdragandi: Samkvæmt framkvæmdareglugerð (ESB) 2019/947 verða ómönnuð loftfarskerfi (UAS) að vera í samræmi við kröfur um rekstrartakmarkanir settar fram í rekstrarleyfum.
Tvær staðlaðar aðferðir hafa verið þróaðar hjá EASA,
- hefðbundin aðferð 1 (STS-01) sem nær til aðgerða sem framkvæmdar eru í sjónlínu (VLOS) í hámarkshæð 120m yfir jörðu þar sem notast er við CE flokk C5 USA og
- hefðbundin aðferð 2 (STS-02) sem nær yfir aðgerðir sem fara út fyrir sjónlínu (BVLOS) með ómönnuðu loftfari en fjarlægð ekki meiri en 2 km frá stjórnanda og í návist eftirlitsaðila með loftrými og hámarkshæð 120 m yfir jörðu á strjálbýlu svæði þar sem notast er við CE-flokk C6 UAS.
Með þessari gerð er reglugerð (ESB) 2019/947 breytt til samræmis við þessar tvær framangreindar aðferðir.
Efnisútdráttur: Með reglugerðinni eru bætt við fjölmörgum skilgreiningum hugtaka sem sett eru fram í samhengi við efnisúrdrátt gerðarinnar.
Í reglugerðinni er útlistað með hvaða hætti notendur skulu skila yfirlýsingum til flugmálayfirvalda um starfrækslu dróna og hvaða upplýsingar skulu liggja fyrir í því samhengi.
Þá er tekið á því í reglugerðinni hvernig standa skal að upplýsingamiðlun til flugmálayfirvalda þar sem starfsemin fer fram ef dróninn er skráður í öðru ríki.
Í reglugerðinni eru settar inn viðbótarkröfur til notenda um starfrækslu dróna, t.d. upplýsingar um fjarflugmenn og um tæknifólk sem sinnir viðhaldi og útbúnaði dróna.
Gerðar eru kröfur um þekkingu fjarflugmanna á leiðbeiningum framleiðanda um starfrækslu dróna.
Í viðbæti 1 er fjallað um hvernig standa skal að starfrækslu dróna m.v. hefðbundna flokka (STS-01) og STS-02 flokki í þéttbýlu umhverfi. Í því samhengi eru settar fram viðbótar kröfur til notenda (UAS operator) og fjarflugmanna. Þá er fjallað um þekkingu fjarflugmanna og próf v. starfrækslu skv. STS-01 og STS-02.
Umsögn: helstu breytingar, mati á umfangi, og áhrif hér á landi:
Þessi gerð hefur lítil áhrif þar sem að í reglugerð ESB nr. 2019/947 var gert ráð fyrir viðbæti 1 sem nú er bætt við með þessari reglugerð.
Lagastoð fyrir innleiðingu gerðar: Lagastoðin fyrir innleiðingu gerðarinnar er ekki fyrir hendi í núgildandi loftferðalögum en mun vera í endurskoðuðum loftferðalögum sem nú er unnið að. Innleiðing verður með nýjum reglugerðum.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Kostnaður við innleiðingu þessarar reglugerðar er metinn óverulegur sem enginn.
Þörf fyrir EFTA-komment – aðlaganir sem þegar eru í gildi vegna undanfarandi gerða: Tilvísanir í gerðir sem hafa ekki verið teknar upp í EES-samninginn. (ESB) 2019/947 og (ESB) 2018/1139.