32020D1232

Markmið sem að er stefnt: Markmiðið er að samþykkja nýja tækni sem taka á tillit til í mælingum á CO2 losun ökutækja.
Aðdragandi: Þann 27. nóvember 2019 sendu ákveðnir bílaframleiðendur inn sameiginlega beiðni, eins og heimilt er skv. 12. gr. a. reglugerðar nr. 725/2011/ESB, um að breyta ákvörðun framkvæmdastjórnarinnar nr. 2017/785/ESB. Beiðnin snéri að því að gildissviðið yrði víkkað yrði út til að ná til skilyrða sem vísað er til í WLTP mælingum, eins sú aðferð við mælingar er skilgreind í reglugerð 2017/1151/ESB. Þannig átti að ná til notkunar á nýsköpunartækni í ákveðnum tengil-tvinn bifreiðum (NOVC-HEV) sem og í ákveðnum fólksbifreiðum með brunahreyfla sem ganga fyrir annars konar eldsneyti en kolefnaeldsneyti.
Sama dag sendu ákveðnir bílaframleiðendur inn sameiginlega umsókn um samþykki á nýsköpunartækni í samræmi við 11. gr. reglugerðar 2019/631/ESB um notkun á skilvirkum 12 volta hreyfirafölum til notkunar í léttum atvinnuökutækjum með brunahreyfli sem gengur fyrir bensíni, dísil sem og tilteknu annars konar eldsneyti. Þá átti óskin einnig við ákveðnua tengil-tvinn bifreiðar (NOVC-HEV) úr flokki N1 sem geta gengið fyrir framangreindu eldsneyti.
Efnisútdráttur: Bæði umsóknin og beiðnin voru metnar í samræmi við 11. gr. reglugerðar (ESB) 2019/631, reglugerð (ESB) nr. 725/2011, reglugerð (ESB) nr. 427/2014 sem og í samræmi við tæknilegar leiðbeiningar vegna undirbúnings fyrir umsókn um samþykki á nýsköpunartækni í samræmi við reglugerð (EB) nr. 443/2009.
Þar sem bæði beiðnin og umsóknin áttu við sömu nýsköpunartækni og að sömu skilyrði eiga við notkun tækninnar í framangreindum ökutækjaflokkum er viðeigandi að meta bæði umsóknina og beiðnina í sömu ákvörðun.
12 volta hreyfirafall/mótorrafall getur verið notaður annað hvort sem rafmótor sem umbreytir raforku í vélræna orku eða sem rafall sem breytir vélrænni orku í raforku, þ.e. gegnt svipuðu hlutverki og hefðbundinn rafall.
Það sem telst skilvirk virkni 12 volta hreyfirafals hefur nú þegar verið skilgreint og samþykkt með ákvörðun 2017/785/ESB og ákvörðun 2020/728/ESB sem nýsköpunartækni sem nota má í fólksbifreiðum með brunahreyfil og léttum atvinnuökutækjum sem og í ákveðnum tengil-tvinn bifreiðum í sömu ökutækjaflokkum. Þá hefur þessi tækni einnig verið samþykkt í fólksbifreiðum og léttum atvinnuökutækjum sem ganga fyrir annars konar eldsneyti en jarðefnaeldsneyti. Það eldsneyti er sérstaklega tilgreint. Samkvæmt þessum ákvörðunum er þessi nýsköpunartækni til þess fallin að draga úr koltvísýringslosun. Það gerist hins vegar með þeim hætti að það greinist aðeins í NEDC prófinu.
Umsóknin og beiðnin vísa til WLTP og er á sama hátt bent á að aðferðarfræðin undir WLTP taki aðeins að hluta til sparnaðar á koltvísýringslosun sem hlýst af framangreindri nýsköpunartækni. Það þarf þó að taka ákveðna hluti inn í reikninginn í umsókninni og beiðninni til að útkoman sé réttari. Þar sem aðgangur að E85 á Sambandsmarkaðnum öllum er ekki viðeigandi að aðgreina það eldsneyti frá bensíni í prófuninni.
Umsögn: helstu breytingar, mati á umfangi, og áhrif hér á landi: Gerðin hefur þýðingu fyrir framleiðendur ökutækja og gerðarviðurkenningaryfirvöld. Hvorki er starfandi framleiðandi ökutækis á Íslandi né gerðarviðurkenningaryfirvald og því hefur gerðin ekki áhrif í dag hér á landi. Það þarf þó að tryggja það að í ökutækjaskrá sé skráður CO2 sparnaður (e. CO2 savings) á hvert ökutæki skv. skráningargögnum frá framleiðanda ökutækisins.
Lagastoð fyrir innleiðingu gerðar: Lagastoðin er 69. gr. umferðarlaga nr. 77/2019. Innleiðing færi fram með breytingu á reglugerð um gerð og búnað ökutækja, nr. 822/2004.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Óverulegur
Skörun við starfssvið annarra ráðuneyta: Gæti tengst útreikningnum á gjöldum ökutækja sem byggjast á CO2 losun. Einnig er spurning um bifreiðagjöldin sem byggja á CO2 losun.
Tilgreining á hagsmunaaðilum: Almenningur, Skatturinn, ökutækjaumboð og ökutækjainnflytjendur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.