32020R2114

Markmið sem að er stefnt: Um er að ræða reglugerð um breytingu á reglugerð (ESB) 1008/2008 að því er varðar tímabundna framlengingu á ráðstöfunum vegna COVID-19 – sem heimila rekstraraðilum flugvalla og landsyfirvöldum að víkja tímabundið frá kröfum um val á flugafgreiðsluaðilum á flugvöllum.
Efnisútdráttur: Með reglugerð (ESB) 2020/696 var nokkrum ákvæðum í reglugerð (EB) nr. 1008/2008 breytt tímabundið í þeim tilgangi að gera framkvæmdastjórninni og yfirvöldum aðildarríkja kleift að grípa til tímabundinna ráðstafana til að draga úr neikvæðum áhrifum af COVID-19 heimsfaraldrinum á flugrekstraraðila.
Meðal breytinga sem kveðið var á um voru að ef veitandi flugafgreiðsluþjónustu hætti starfsemi sinni fyrir lok tímabilsins, sem hann var valinn til, var framkvæmdastjórn flugvallarins eða lögbæru landsyfirvaldi heimilað, þrátt fyrir e-lið 1. mgr. 11. gr. tilskipunar 97/67/EB, að velja beint veitanda flugafgreiðsluþjónustu, til að veita þjónustu í að hámarki sex mánuði eða til 31. desember 2020, hvor dagsetningin sem kæmi fyrr. Þá var framkvæmdastjórninni með sömu gerð veitt heimild til að framlengja þetta tímabil.
Með þessari gerð er tímabilið þar sem framangreint er heimilt framlengt til 31. desember 2021.
Umsögn: helstu breytingar, mati á umfangi, og áhrif hér á landi: Engin áhrif á starfsemi Samgöngustofu.
Lagastoð fyrir innleiðingu gerðar: Lagastoðin er 57. gr. b sbr. 145. gr. laga um loftferðir nr. 60/1998, með síðari breytingum. Innleiðing yrði með breytingu á reglugerð nr. 48/2012 um sameiginlegar reglur um flugrekstur og flugþjónustu innan Evrópska efnahagssvæðisins.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.