32020R2115

Markmið sem að er stefnt: Um er að ræða reglugerð um breytingu á reglugerð (ESB) 1008/2008 að því er varðar tímabundna framlengingu á ráðstöfunum vegna COVID-19 – sem heimila rekstraraðilum flugvalla og landsyfirvöldum að víkja tímabundið frá fjárhagskröfum sem gerðar eru til flugrekenda.
Efnisútdráttur: Með reglugerð (ESB) 2020/696 var nokkrum ákvæðum í reglugerð (EB) nr. 1008/2008 breytt tímabundið í þeim tilgangi að gera framkvæmdastjórninni og yfirvöldum aðildarríkja kleift að grípa til tímabundinna ráðstafana til að draga úr neikvæðum áhrifum af COVID-19 heimsfaraldrinum á flugrekstraraðila.
Meðal breytinga sem kveðið var á um var að ekki sé skylt að fella niður eða afturkalla flugrekstrarleyfi jafnvel þó flugrekandi geti ekki sýnt fram á raunveruleg og möguleg fjárhagsleg skilyrði fyrir næstu 12 mánuði, að því tilskildu að flugöryggi sé ekki stefnt í hættu og ekki dregið úr eftirliti með fjárhagslegu hæfi flugrekandans. Um tímabundna ráðstöfun var að ræða frá 1. mars 2020 til 31. desember 2020.
Með þessari gerð er tímabilið þar sem framangreint er heimilt framlengt til 31. desember 2021.
Umsögn: helstu breytingar, mati á umfangi, og áhrif hér á landi: Engin áhrif á starfsemi Samgöngustofu.
Lagastoð fyrir innleiðingu gerðar: Lagastoðin er 85. gr. a. sbr. 145. gr. laga um loftferðir nr. 60/1998, með síðari breytingum. Innleiðing yrði með breytingu á reglugerð nr. 48/2012 um sameiginlegar reglur um flugrekstur og flugþjónustu innan Evrópska efnahagssvæðisins.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.