32021R2082

Markmið sem að er stefnt: Um er að ræða reglugerð um samræmda framkvæmd við innleiðingu á sameiginlegu evrópsku áhættuflokkunarkerfi, e. Europena risk classification scheme. Markmið með gerðinni er að innleiðing kerfisins verði framkvæmd á samræmdan hátt hjá aðildarríkjum.Efnisútdráttur: Samkvæmt reglugerð (ESB) nr. 376/2014 er aðildarríkjum skylt að koma á fót kerfi til að safna, meta, vinna úr, greina og geyma upplýsingar um atvik í flugi. Tilkynningar um atvik skulu innihalda öryggisáhættuflokkun fyrir viðkomandi atvik í samræmi við sameiginlegt evrópskt áhættuflokkunarkerfi (ERCS).Í þessari gerð er mælt fyrir um samræmda framkvæmd kerfisins, tímamörk varðandi flokkun og skráningu atvika og aðferðafræði við áhættuflokkun. Settar eru fram skilgreiningar hugtaka umfram þær sem eru í reglugerð (ESB) 376/2014. Þá eru sett fram ákvæði um stigagjöf og áritun vegna atvika, vöktun og endurbætur og fjallað um eftirlit með samþættingu við önnur kerfi.Aðildarríki skulu frá 31. mars 2022 og á fimm ára fresti eftir það, skila skýrslu til framkvæmdastjórnarinnar um notkun á áhættuflokkunarkerfinu.Umsögn: helstu breytingar,  mati á umfangi, og áhrif hér á landi: Gerðin hefur ekki mikil áhrif á Samgöngustofu. Um er að ræða gerð um samræmda framkvæmd við notkun á áhættuflokkunarkerfi þegar það hefur verið tekið í notkun.Að öðru leyti vísast til umsagnar Samgöngustofu um reglugerð um innleiðingu ERCS kerfisins, reglugerð Evrópusambandsins 2020/2034. Breyta þarf verklagi þegar kemur að áhættuflokkun atvika. Tekið hafi verið tillit til þess að nýja kerfið samræmist þeim áhættuflokkunarkerfum sem þegar eru í notkun hjá leyfishöfum. Vörpun úr RAT og ARMS yfir í önnur kerfi hafi verið útbúin. Vörpunin taki þó ekki tillit til hindrana, e. barriers. Í einhverjum tilvikum séu leyfishafar að nota aðra aðferðarfræði en RAT og ARMS og muni Samgöngustofa þurfa að óska eftir því að þeirri aðferðafræði verði breytt. Einnig þurfi að skoða hvort gerð verði krafa um að allir leyfishafar noti ERCS aðferðafræðina.EASA hefur útbúið þjálfunargögn fyrir ERCS sem verður notað við innleiðinguna.Lagastoð fyrir innleiðingu gerðar: Lagastoðin er 4. mgr. 47. gr. og 2. mgr. 47. gr. a, sbr. 145. gr. laga um loftferðir nr. 60/1998 með síðari breytingum.Rétt væri að reglugerðin yrði innleidd með breytingu á reglugerð nr. 900/2017 um tilkynningu atvika í almenningsflugi sem og greiningu og eftirfylgni með þeim.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.