Tilskipun Evrópuþingsins og ráðsins (ESB) 2022/2464 frá 14. desember 2022 (CSRD) - 32022L2464

Í desember 2019 skuldbatt framkvæmdastjórn Evrópusambandsins sig til að endurskoða ákvæði ársreikningatilskipunar ESB um upplýsingagjöf með ársreikningum varðandi ófjárhagslegar upplýsingar. Ákvörðunin er í samræmi við „Grænt samkomulag í Evrópu“ (e. Green Deal). Græna samkomulagið er hluti af nýrri vaxtarstefnu Evrópusambandsins til að umbreyta því í nútímalegt, auðlindanýtið og samkeppnishæft hagkerfi með því að vernda, varðveita og efla náttúru þess og vernda heilbrigði og velsæld borgara. Með þeirri stefnu er unnið að því að gera Evrópusambandið tilbúið til að takast á við framtíðina og stuðla að stöðugleika, atvinnu, vexti og sjálfbærri fjárfestingu.Markmiðið er að beina fjárstreymi í átt að sjálfbærri fjárfestingu til að ná fram hagvexti fyrir alla, stýra fjárhagslegri áhættu sem stafar af loftslagsbreytingum, auðlindaeyðingu, hnignun umhverfisins og félagslegum málefnum og stuðla að gagnsæi og langtímahugsun í fjármála- og efnahagsmálum. Það að fyrirtæki birti sambærilegar og áreiðanlegar upplýsingar um sjálfbærni er forsenda þess að ná þessum markmiðum.Tilskipunin kallar á breytingar á lögum um ársreikninga nr. 3/2006, lögum um endurskoðendur og endurskoðun, nr. 94/2019 og lögum um upplýsingaskyldu útgefenda verðbréfa og flöggunarskyldu nr. 20/2021. Þar sem lögð verða til ákvæði varðandi sjálfbærnireikningsskil sem auka eiga gagnsæi og skulu þau birt í skýrslu stjórnar í ársreikningi félaga.