Nýfæði - 32021R1326

Gerðin varðar reglugerð (ESB) 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Sótt hefur verið um leyfi til breytinga á notkunarskilyrðum fyrir nýfæðið Schizochytrium olíu í samræmi við gr.10.1 í reglugerð (ESB) nr. 2015/2283. Umsækjandi sótti um leyfi til að nota Schizochytrium sp. olíu í matvæli sem ætluð eru ungbörnum og smábörnum eins og skilgreint er í reglugerð þingsins og ráðsins nr. 609/2013. Notast er við stofninn  FCC-3204 af Schizochytrium örþörungnum. Umsækjandi hefur einnig sótt um leyfi fyrir breytingu á notkunarskilyrðum fyrir Schizochytrium sp. olíu. Sótt var um leyfi til að auka leyfilegt hámarksmagn af olíunni í fyrir fullorðna að undanskildum þunguðum konum og konum með börn á brjósti fæðubótarefnum í samræmi við tilskipun 2002/46/EC. Sami stofn af Schizochytrium er notaður. Framkvæmdastjórnin óskaði umsagnar Matvælaöryggisstofnunar Evrópu (EFSA) sem skilaði áliti og telur að Schizochytrium sp. olía (FCC-3204) sé örugg til notkunar í þær tegundir matvæla og í því magni sem sótt var um leyfi fyrir. Álit EFSA nær eingöngu til afurða af stofninum FCC-3204, en gögnin sem umsækjandi notar gefa ekki upplýsingar til að álykta um aðra stofna af Schizochytrium. Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.