32022R0672

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Sótt hefur verið um leyfi Framkvæmdastjórnarinnar til að breyta nákvæmum skilgreiningum fyrir trans-reservatról af örverufræðilegum uppruna. Óskað var eftir að felld yrðu niður skilyrði í núverandi nákvæmum skilgreiningum, þar sem kveðið er á um að 100% af ögnum sem framleiddar eru af S. cerevisiae séu minni en 62,23 míkrómetrar að stærð (< 62,23 μm). Umsækjandi hefur í umsókn sinni sýnt fram á að kornastærð trans-reservatróls af örverufræðilegum uppruna sé sambærileg við kornastærð trans-reservatróls sem framleitt er með efnafræðilegum aðferðum. En fyrir það eru engar slíkar takmarkanir. Framkvæmdastjórnin telur að þær breytingar, á sértækum skilyrðum, sem sótt var um leyfi fyrir séu ekki líklegar til að hafa áhrif á heilsu manna og að ekki sé ástæða til að leita álits EFSA, í samræmi við gr. 10(3) í reglugerð 2015/2283. Framkvæmdastjórnin fellst á umsóknina og viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.