Reglugerð um tölfræði heilbrigðisstofnana, mannafla í heilbrigðisþjónustu og nýtingu heilbrigðisþjónustu - 32022R2294

Reglugerð framkvæmdastjórnarinnar (EU) nr. 2022/2294 er til innleiðingar á reglugerð 1338/2008 um hagskýrslur Bandalagsins um lýðheilsu og heilbrigði og öryggi á vinnustað. Gerðin útfærir og setur reglur um þróun og framleiðslu þeirrar tölfræði fyrir Evrópu um heilbrigðisstofnanir, mannafla í heilbrigðisþjónustu og nýtingu heilbrigðisþjónustu sem reglugerð 1338/2008 nær til. Hún tekur ekki á fjármögnun heilbrigðisþjónustunnar eða til útgjalda. Þá eru nánari skilgreiningar og lýsingar á þeim skráningaratriðum sem kallað er eftir árlega frá ESB/EES löndunum. Áhrif gerðarinnar eru að nákvæmari lýsing gerir vinnslu gagnanna skilvirkari og tölfræðin verður betur samanburðarhæf. Gerðin hefur ekki aukinn kostnað í för með sér og snertir fyrst og fremst innra starf embættis Landlæknis sem er opinber hagskýrsluframleiðandi á þessari tölfræði.