32023R0443

Markmið sem að er stefnt: Með gerðinni er verið að samræma skilgreiningar í Evrópugerðum sem fjalla um gerðarviðurkenningar ökutækja. Tekin eru út ákvæði sem eru ekki lengur viðeigandi og öðrum bætt við í samræmi við þróun nýjustu tækni til að draga úr losun gróðurhúsalofttegunda. Sem dæmi eru ákvæði um að setja sérstök tæki í ný ökutæki sem nota má til að greina hvort þau virki í samræmi við grunnlosunaraðferð (BES) eða í samræmi við aukalosunaraðferð (AES). Verið er að gera ákveðnar breytingar á WLTP aðferðinni sem notuð hefur verið til að meta losun samræmi við nýjustu tækniframfarir. Almennt: Reglugerð (ESB) nr. 715/2007 kveður á um gerðarviðurkenningu vélknúinna ökutækja með tilliti til útblásturs þeirra. Í henni er gerð krafa um að létt farþega- og atvinnuökutæki uppfylli ákveðin losunarmörk. Sértæk tæknileg ákvæði sem nauðsynleg eru til að innleiða þá reglugerð er að finna í reglugerð (ESB) nr. 2017/1151. Í ljósi þess að í reglugerð (ESB) 2018/858 er kveðið á um gerðarviðurkenningu vélknúinna ökutækja er rétt að samræma skilgreiningar í þeirri reglugerð við reglugerð (ESB) 2017/1151 og ná þannig samræmi í lögum um gerðarviðurkenningar.Reglugerðin öðlast gildi 1. september 2023. Þrátt fyrir það skulu landsyfirvöld, miðað við 1. mars 2023, veita ESB-gerðarviðurkenningu fyrir nýja tegund ökutækis, veita framlengingu fyrir núverandi gerð ökutækis og heimila skráningu, markaðssetningu og notkun nýs ökutækis, séu skilyrði þessarar reglugerðar uppfyllt.Umsögn: helstu breytingar, mati á umfangi, og áhrif hér á landi: Engir framleiðendur ökutækja, gerðarviðurkenningaryfirvöld eða fyrirtæki sem veita tækniþjónustu af þessu tagi eru á Íslandi og hefur reglugerðin því lítil sem engin áhrif hér á landi eins og stendur. Lagastoð fyrir innleiðingu gerðar: Lagastoðin er 69. gr. umferðalaga nr. 77/2019. Rétt væri að reglugerðin yrði innleidd með breytingu á reglugerð nr. 822/2004 um gerð og búnað ökutækja. Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur sem enginn. Skörun við starfssvið annarra ráðuneyta: Tengsl við umhverfisráðuneyti en ekki bein skörun.Tilgreining á hagsmunaaðilum: Nei. Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.