Nýfæði - 32023R0667

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði.Framkvæmdastjórninni hefur verið tilkynnt um fyrirhugaða markaðssetningu á þurrkuðum Canarium indicum L. hnetum sem hefðbundnu fæði frá þriðja landi í samræmi við 14. gr. reglugerðar Evrópuþingsins og ráðsins (ESB) 2015/2283. Sótt hefur verið um leyfi til að nota hneturnar sem slíkar og sem innihaldsefni í  ýmsum matvælum ætlað almennum neytendum. Canarium indicum hnetur eiga staðfesta sögu um örugga notkun í Indónesíu.Framkvæmdastjórnin leitaði umsagnar Matvælaöryggisstofnunar Evrópu sem ályktar að tiltæk gögn bendi til að ekki sé ástæða til að hafa áhyggjur af öryggi neytenda. Í merkingum matvæla sem innihalda Canarium indicum L. hnetuu þarf að koma fram að hneturnar kunni að valda ofnæmi hjá neytendum sem hafa ofnæmi fyrir heslihnetum, kasjúhnetum og pistasíuhnetum. Framkvæmdastjórnin fellst á umsóknina og viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.