32023R1615 - 32023R1615

Um miðlæga mótaðila gildir EMIR reglugerðin (ESB) nr. 648/2012) sem tók gildi innan Evrópusambandsins þann 16. ágúst 2012 og öðlaðist lagalegt gildi hér á landi með lögum um afleiðuviðskipti, miðlæga mótaðila og afleiðuviðskiptaskrár, nr. 15/2018. Með miðlægri stöðustofnun OTC-afleiða gengur miðlægi mótaðilinn milli mótaðila að samningum og verður kaupandi gagnvart hverjum seljanda og seljandi gagnvart hverjum kaupanda svo dregið er stórlega úr mótaðila- og kerfisáhættu. Miðlægir mótaðilar eru því afar mikilvægir innviðir á nútíma fjármálamarkaði. Reglugerð Evrópuþingsins og ráðsins (ESB) 2021/23 fjallar um endurreisn og skilameðferð miðlægra mótaðila í tilviki rekstrarerfiðleika og er ætlað að draga úr kerfisáhættu og óvissu á evrópskum fjármálamarkaði.Samkvæmt framseldri reglugerð (ESB) 2023/1615 skulu mótaðilar í skilameðferð, til að tryggja jafna og hlutfallslega dreifingu endurgreiðslunnar, dreifa mismunandi endurgreiðsluformum til hlutaðeigandi stöðustofnunaraðila á sanngjarnan máta og án mismununar. Endurgreiðslan skal því vera í réttu hlutfalli við framlag hvers stöðustofnunaraðila við upplausn miðlæga mótaðilans þar sem slíkt framlag telst til greiðslu samkvæmt 6. mgr. 27. gr. eða 62. gr. reglugerðar (ESB) 2021/23 („hæft framlag“).