32023R1435

Með reglugerðinni er verið að breyta reglugerð Evrópuþingsins og ráðsins (EB) nr. 1272/2008 um flokkun og merkingu og umbúðir efna og efnablandna (CLP). Skrá yfir samræmda flokkun og merkingu hættulegra efna í VI. viðauka, 3 hluta, töflu 3 er breytt.Breytingarnar tengjast viðbótum við athugasemdir sem koma fram í reglugerð Evrópuþingsins og ráðsins (ESB) 2023/1434 frá 25. apríl 2023 sem kemur til framkvæmda 31. júlí 2023, þar sem athugasemdum X, 11 og 12 var bætt við til að gera leiðbeiningar um samræmda hættuflokkun skilmerkilegri að því leyti að tekið verði mið af samlagningaráhrifum hættulegra efna í efnablöndum og eiginleika sem hópar efna hafa sameiginlega við hættuflokkun efnablandna. Þetta var gert í kjölfar samantektar á vísindarannsóknum á efnunum sem talin eru upp í færslunum hér fyrir neðan.Breytingarnar fela í sér að fjórum færslum í töflu 3 er skipt út fyrir nýjar færslur þar sem bætt er við bókstaf eða tölustaf undir athugasemdir sem eiga við um færsluna:a)    Fyrir Skránúmer 005-007-00-2, bórsýra er bætt við athugasemd 11b)    Fyrir Skránúmer 005-008-00-8, díbóron tríoxíð er bætt við athugasemd 11c)    Fyrir Skrárnúmer 005-011-00-4, tetrabór dínatríum heptaoxíð hýdrat, dínatríum tetrabór anhýdríð, orþóbórsýru natríum salt, dínatríum tetrabór dekahýdríð, dínatríumtetrabór pentahýdríð er bætt við athugasemd 11d)    Fyrir Skránúmer 607-230-00-6, 2-etýlhexansýru ásamt söltum þess er bætt við athugasemdum X og 12 og einnig athugasemd A þar sem fyrir færslu efna sem er lýst sem sambönd eða sölt skal birgir tilgreina rétt nafn á miða vörunnar. Reglugerðin tekur gildi á 20. degi eftir birtingu reglugerðarinnar í Stjórnartíðindum Evrópusambandsins og kemur til framkvæmda 1. febrúar 2025.Birgjar mega flokka og merkja efni og efnablöndur sem koma fram í viðauka við þessa reglugerð í samræmi við reglugerð (EB) nr. 1272/2008, samkvæmt breytingum í þessari reglugerð frá 31. júlí 2023.