Reglugerð um breytingar á reglugerð 223/2009 um evrópskar hagskýrslur - 32024R3018

Gerðin innleiðir breytingar á sviði evrópskrar hagskýrslugerðar sem lengi hafa verið í mótun en raungerast hér einkum í fimm meginþáttum. 1. Viðbrögð við brýnum stefnumótunarþörfum í kreppum/við áfallEurostat fær heimild til að hefja sérstakar, brýnar tölfræðiaðgerðir þegar krísur skapast (t.d. faraldur, orkukreppa).Þátttaka aðildarríkja er valkvæði en taki þau þátt þarf að fylgja sameiginlegum kröfum um gæði og tímasetningar.ESB getur veitt fjárhagslegan stuðning til að mæta auknum kostnaði. 2. Aðgangur að gögnum í einkaeigu („privately held data“)Hagstofur og Eurostat geta krafist þess að einkaaðilar afhendi gögn og lýsigögn þegar gögnin eru nauðsynleg fyrir evrópskar hagtölur og þau eru ekki fáanleg með öðrum hætti.Gögn skulu almennt vera gjaldfrjáls, en heimilt er að greiða fyrir sérstakan kostnað sem fellur á gagnahaldara.Smá- og örfyrirtæki eru almennt undanþegin, nema í rökstuddum tilvikum.Ef samkomulag næst ekki getur hagstofa ríkisins getur ítrekað kröfuna, eða framkvæmdastjórnin lagt á sektir en í tilfelli EFTA ríkja sinni ESA hlutverki Framkvæmdastjórnarinnar. 3. Skýrari reglur um persónuvernd og trúnað í tengslum við aðgang að örgögnum í vísindalegum tilgangi.Gögn sem notuð eru til hagskýrslugerðar má einungis nota í tölfræðilegum tilgangi, skulu vera dulmerkt (pseudonymised) þegar við á og skulu njóta strangra verndarráðstafana í samræmi við GDPR.Engin notkun er heimil í tengslum við ákvarðanir um tiltekna einstaklinga.Þessi ákvæði eru öll þegar í gildi á Ísland samkvæmt lögum 163/2007 um hagstofu íslands og opinbera hagskýrslugerð 4. Gagnaskipti innan ESS og við SeðlabankakerfiðHeimiluð er aukin gagnadeiling innan ESS og milli ESS og Evrópska seðlabankakerfisins fyrir tölfræðilegt samstarf og til að bæta gæði evrópskra hagtalna.Eurostat setur upp örugga tæknilega innviði fyrir slík gagnaskipti 5. „Hagtölur í þróun“Tekinn er upp formlegur rammi fyrir tilraunatölfræði og hagtölur í þróun.Slíkar tölur þurfa ekki að uppfylla öll hefðbundin gæðaskilyrði en skulu vera merktar skýrt sem slíkar.