Starfsréttindi rúmenskra hjúkrunarfræðinga á EES-svæðinu. - 32024L0505

 Breytingin miðar að því að uppfæra tilskipunina svo að hún endurspegli breytingar sem orðið hafa á menntun hjúkrunarfræðinga í Rúmeníu. Við inngönguna í ESB 2007 voru rúmenskir hjúkrunarfræðingar ekki taldir uppfylla skilyrði tilskipunarinnar um viðurkenningu til starfa þar eð námið þar var ekki á háskólastigi, heldur fagháskólastigi. Frá þeim tíma hefur verið unnið að umbótum á náminu og starfandi hjúkrunarfræðingum gefinn kostur á viðbótarnámi til þess að þeir geti uppfyllt sett skilyrði. Breytingatilskipunin staðfestir þessa þróun og gerir ráð fyrir afléttingu takmarkana sem voru á viðurkenningu starfsréttinda hjúkrunarfræðinga frá Rúmeníu á EES-svæðinu. Ákvæði hér að lútandi er að finna í 13. gr. reglugerðar nr. 510/2020 um viðurkenningu á faglegri menntun og hæfi heilbrigðisstarfsmanna frá öðrum EES-ríkjum eða Sviss til að starfa hér á landi, og fylgiskjali IV með þeirri reglugerð. Tilskipunin verður tekin í íslenskan rétt með breytingu á þeirri reglugerð.