32025R2457

Reglugerðin snýr að því að taka á ósamræmi og óhagkvæmni í efnalöggjöf ESB með því að bæta samræmingu og samvinnu á milli hinna ýmsu stofnana sambandsins á sviði efna, m.a. Efnastofnunar Evrópu (ECHA), Matvælaöryggisstofnunar Evrópu (EFSA), Umhverfisstofnunar Evrópu (EEA) og Lyfjastofnunar Evrópu (EMA). Áætlað er að leggja áherslu á vísindaleg gæði, gagnsæi og samanburðarhæfi á öryggismati efna.Þetta kemur m.a. til framkvæmda vegna efnastefnu Evrópu um sjálfbærni (e. Chemical Strategy for Sustainability) og Græna samkomulagsins í Evrópu (e. European Green Deal), en þar er að finna hugtakið og markmiðið „eitt efni – eitt mat“. Sú nálgun á að hagræða og straumlínulaga mat á efnum í gegnum regluverk ESB ásamt því að tryggja vernd fyrir heilsu manna og umhverfið. Eftirfarandi breytingar eru gerðar á reglugerð (EB) nr. 178/2002:-         nýjum staflið, m, er bætt við 23. gr. sem snýr að því að auka samvinnu á milli stofnana sambandsins á sviði efna.-         B-liður 4. mgr. 27. gr. er leiðréttur m.t.t. vísunar í 30. gr. sömu reglugerðar.-         texta 30. gr. er skipt út fyrir nýjan texta sem snýr að því hvað skal gera ef upp kemur ágreiningur um vísindaleg álit.Eftirfarandi breytingar eru gerðar á reglugerð (EB) nr. 401/2009:-          Nýjum staflið, p, er bætt við 2. gr. sem snýr að því að útbúa aðferðafræði við mat á efnum.-          Texta 1. mgr. 15. gr. er breytt og snýr að því að auka samvinnu Efnastofnunar Evrópu við framkvæmdarstjórnina, stofnana sambandsins á sviði efna og rannsóknar- og þróunaráætlana sambandsins á sviði umhverfismála.-           Texta 4. mgr. 15. gr. er breytt og áhersla er lögð á að auka samræmi og samlegðaráhrif samvinnunnar og að forðast tvíverknað.Eftirfarandi breytingar eru gerðar á I. viðauka við reglugerð (ESB) 2017/745:-          Texti b-liðar í lið 10.4.1 sem snýr að efnum sem eru flokkuð sem innkirtlatruflandi og efni sem hafa innkirtlatruflandi eiginleika er uppfærður.-          Texti d-liðar í liði 10.4.2 er breytt þar sem orðið nefnd (e. committee) er tekin út.-          Texti liðar 10.4.3 er uppfærður m.t.t. leiðbeininga um þalöt.-          Texti liðar 10.4.4. er uppfærður m.t.t. leiðbeininga fyrir efni sem eru flokkuð sem krabbameinsvaldandi, stökkbreytandi eða hafa eiturhrif á æxlun (CMR) eða eru innkirtlatruflandi.Eftirfarandi breytingar eru gerðar á reglugerð (ESB) 2019/1021:-          Nýjum staflið, i, er bætt við 1. mgr. 8. gr. er snýr að skyldum ECHA.-          Nýjum lið, 1a, er bætt við 8. gr. og fjallar um skýrslugjöf.-          Texti 2. mgr. 13. gr. er uppfærður varðandi upplýsingagjöf.-          Texti 2. mgr. 15. gr. er uppfærður m.t.t. breytinga á IV. og V. viðauka.-          Textar 2. mgr., 3. mgr. og 6. mgr. 18. gr. eru uppfærðir m.t.t. texta um framseldar reglugerðir.-          Nýrri grein, 21b, er bætt við sem felur framkvæmdarstjórninni það verk að fylgjast með því hversu vel ramminn um vísindalegt og tæknilegt samstarf sem settur er fram í þessari reglugerð virki og leggi til breytingar ef þess þarf.-          IV. viðauka er breytt þannig að þegar fjallað er um að framkvæmdarstjórnin eigi að leggja fram löggjafartillögu til að lækka styrkleikamagn ákveðinna efna í úrgangi eigi þeir nú að leggja fram framselda reglugerð þess í stað.Reglugerðin hefur þegar tekið gildi.