32024R2729

Í lið 4 í IV. viðauka við reglugerð (ESB) 2024/573 er sett fram bann við að setja á markað sjálfstæðan kælibúnað, annan en vökvakæla, sem inniheldur flúoraðar gróðurhúsalofttegundir með hnatthlýnunarmátt upp á 150 eða meira frá og með 1. janúar 2025 nema að ákveðnum skilyrðum uppfylltum.Í samræmi við 5. mgr. 11. gr. reglugerðar (ESB) 2024/573 lagði þýska lögbæra yfirvaldið fram beiðni til framkvæmdastjórnarinnar um undanþágu sem heimilar markaðssetningu innan Sambandsins á þrenns konar búnaði. Framkvæmdastjórnin telur að beiðnin uppfylli skilyrði sem sett eru fram í a- og b-lið 5. mgr. 11. gr. og heimilar því eftirfarandi undanþágur frá 1. janúar 2025 til 31. desember 2028 að því gefnu að búnaðurinn sem um ræðir sé merktur samkvæmt 2. mgr. 12. gr. sömu reglugerðar. Þetta eru:umhverfishermibúnaður sem samanstendur af prófunarklefa sem notaður er til að endurskapa margvíslegar umhverfisaðstæður t.d. tímaháð hitastig og rakastig, fyrir notkun undir – 50 °C;þurrkunarbúnaður á rannsóknarstofu sem notaður er til að þurrka vökvasýni, með úðaþurrkun eða frostþurrkun;skilvindur á rannsóknarstofu sem notaðar eru til að aðskilja vökva með mismunandi eðlismassa eða vökva frá föstum efnum í íláti sem snýst hratt.Þessi framkvæmdarákvörðun tók gildi þann 23. október 2024.